Äzirbayjan men Türkiya ortaq äskeri jattığuı. Foto: Daily Sabah

Äzirbayjan men Türkiya qarulı küşteri birlesken äskeri oqu-jattığuların ötkizdi. Karsta ötip jatqan «2021-qıs jattığuına» Äzirbayjannıñ Qarabaq soğısına qatısqan 9-şı armiyasınıñ qarulı küşteri qatısqan.

Eki el armiyası jattığu barısında birqatar äue jäne qwrlıqtağı äskeri operaciyalardı qatar orındağan. Türkiya Wlttıq qorğanıs ministrliginiñ resmi mälimdemesinde, jattığudıñ maqasatı eki el qarulı küşteriniñ qıs şartındağı äskeri operaciyalardı orındaudağı şeberlikterin şıñdau.

Jattığuğa qatısıp jatqan Äzirbayjan qarulı küşteri tank polkınıñ kapitanı Farız Velievtıñ türik aqparat qwraldarına bergen pikirinde, Türkiya qarulı küşterimen ortaq jattığuğa qatısu Äzirbayjan armiyasına jaña täjiribeler qabıldaudıñ ülken orayı ekenin aytqan.

Türik pen äzirbayjan qarulı küşterinen 1300-ge juıq sarbaz qatısqan jattığuda 190 äskeri tehnika qoldanılıp, 218 türli qaru türi sınalğan.

“The Qazaq Times”