ءازىربايجان مەن تۇركيا ورتاق اسكەري جاتتىعۋى. فوتو: Daily Sabah

ءازىربايجان مەن تۇركيا قارۋلى كۇشتەرى بىرلەسكەن اسكەري وقۋ-جاتتىعۋلارىن وتكىزدى. كارستا ءوتىپ جاتقان «2021-قىس جاتتىعۋىنا» ءازىربايجاننىڭ قاراباق سوعىسىنا قاتىسقان 9-شى ارمياسىنىڭ قارۋلى كۇشتەرى قاتىسقان.

ەكى ەل ارمياسى جاتتىعۋ بارىسىندا بىرقاتار اۋە جانە قۇرلىقتاعى اسكەري وپەراتسيالاردى قاتار ورىنداعان. تۇركيا ۇلتتىق قورعانىس مينيسترلىگىنىڭ رەسمي مالىمدەمەسىندە، جاتتىعۋدىڭ ماقاساتى ەكى ەل قارۋلى كۇشتەرىنىڭ قىس شارتىنداعى اسكەري وپەراتسيالاردى ورىنداۋداعى شەبەرلىكتەرىن شىڭداۋ.

جاتتىعۋعا قاتىسىپ جاتقان ءازىربايجان قارۋلى كۇشتەرى تانك پولكىنىڭ كاپيتانى فارىز ۆەليەۆتىڭ تۇرىك اقپارات قۇرالدارىنا بەرگەن پىكىرىندە، تۇركيا قارۋلى كۇشتەرىمەن ورتاق جاتتىعۋعا قاتىسۋ ءازىربايجان ارمياسىنا جاڭا تاجىريبەلەر قابىلداۋدىڭ ۇلكەن ورايى ەكەنىن ايتقان.

تۇرىك پەن ءازىربايجان قارۋلى كۇشتەرىنەن 1300-گە جۋىق سارباز قاتىسقان جاتتىعۋدا 190 اسكەري تەحنيكا قولدانىلىپ، 218 ءتۇرلى قارۋ ءتۇرى سىنالعان.

“The Qazaq Times”