Ädebiet pen öner ökilderine prezident stipendiyası tabıstaldı

Bügin, 29 qañtar küni Almatı qalasındağı «Dostıq üyinde» birqatar ädebiet jäne öner ökilderine prezident stipendiyası tabıstaldı. Şarağa memlekettik hatşı Qırımbek Köşerbaev, Mädeniet jäne sport ministri Aqtotı Rayımqwlova jäne Almatı qalasınıñ äkimi Baqıtjan Sağıntaev qatıstı.

Memlekettik hatşı Q.Köşerbaev şaranı bastap aştı. Foto: QT,

«Dostıq üyindegi» jüzdesude Memlekettik sıylıqtıñ iegeri, M.O.Äuezov atındağı Qazaq wlttıq drama teatırınıñ akteri Säbit Orazbaevqa İ därejeli «Barıs» ordeni tabıs etildi. Atalğan marapat S.Orazbaevtıñ 85 jıldıq mereytoyına oray tabıs etildi. Marapattı memlekettik hatşı Q.Köşerbaev tabıs etip, QR eks-prezidenti N.Nazarbaev pen prezident Q.Toqaevtıñ arnayı qwttıqtau hatın oqıdı. Ministri A.Rayımqwlova men B.Sağıntaev Mädeniet jäne sport ministrligi jäne Almatı qalası äkimdiginiñ atınan öner qaytartkeriniñ iığına şapan jauıp, arnayı sıylıqtarın tartu etti.

S.Qorñırbaywlına "Barıs" ordeni tabıs etildi.

Al, prezident stipendiyasınıñ iegerleri qatarında öner men ädebiettiñ Äbdijämil Nwrpeyisov, Qabdeş Jümädilov, Asanäli Äşimov, Nwrğali Nüsipjanov, Aleksandr Garkovec, Dulat Isebekov, Bolat Ayuhanov, Egeuhan Mwhamädiqızı, Temirhan Medetbekov, Esmwhan Obaev, Iranbek Orazbaev qatarlı öner ağa buın ökilderi, Erlan Töleutay, Didar Amantay qatarılı orta buın ökilderi men Bauırjan Haliolla, Miras Asan, Asel Jangaskaeva, Ayan Ötepbergen, Valeriya Nedlina qatarlı jas qalamgerler men önerpazdar boldı.

"Köşpendiler" köşpendiler önerin älemge tanıttı.

Mädeniet jäne sport ministri Aqtotı Rayımqwlova şara ortasında Qwrama Ştattardağı Kaskaderler Älemdik akademiyasınıñ Taueus sıylığın alğan «Nomad» Nomad Stunts kaskaderler tobınıñ jetekşisi Jayjarbek Künğojinovtı arnayı marapattadı. Şığırmaşılıq toptıñ älemdik kino salasındağı jetken jetistigin joğarı bağalap, şığarmaşılıq jwmısına tabıstar tiledi.

Egeuhan Mwhamädiqızı otbası qwndılıqtarın qorğau turalı wsınısın ayttı. Foto: QT,

Kezdesude ädebiet pen öner ökilderi atınan qazaq öneriniñ qadirli aqsaqalı Asanäli Äşimov, Qazaqstan jazuşılar odağınıñ müşesi, QR mädeniet qayratkeri, aqın Egeuhan Mwhamädiqızı jäne jastar atınan aqın Miras Asan söz aldı. Altın alqa iegeri, qadirli ana Egeuhan Mwhamädiqızı memlekettik hatşı men mädeniet ministri qatısqan jiında otbası qwndılıqtarın däripteuge memleket tarabınan basa nazar audaru kerektigin, wrpaq tärbiesi – wlt bolaşağı ekenin atap ötti. Q.Köşerbaev bwl pikirdi qwptadı jäne osı bağıtta şaralardıñ jasalatının ayttı.

“The Qazaq Times”