AQŞ-tıñ bwrınğı prezidenti Donal'd Tramp. Foto: cnn.com

Senattağı respublikaşıldardıñ basım böligi AQŞ-tıñ bwrınğı prezidenti Donal'd Trampqa impiçment jariyalauğa qarsı şığıp, demokrattar wsınısınıñ qoldau tappaytının körsetti. Keyinnen Tramp Kongrestegi ökilder palatasındağı respublikalıq partiya lideri Kevin Makkartimen kezdesu ötkizdi.

Qaraşada Tramp qwrğan «Save America» sayasi jağdaylar komiteti (Political Action Committee) kezdesu barısında respublikalıqtardıñ üstemdigin arttıru taqırıbı söz boldı deydi. Respublikalıq partiya köşbasşısı Makkartidiñ bastamasımen ötken kezdesu keler jılı ötetin Kongresaralıq saylauda Tömengi palatadağı respublikalıq partiyanıñ ökilderin tartu mäselesine arnalğan.

Eks-prezident öziniñ partiya müşelerine qoldau körsetuge dayın ekenin ayttı. 3 qaraşada AQŞ-ta ötken jalpı saylaudıñ nätijeleri boyınşa demokrattar Kongress Senatında köpşilik dauıs aldı, sonımen qatar ökilder palatasındağı baqılaudı saqtap qaldı.

Makkarti bwğan deyin Tramptıñ impiçmentine qarsı şığıp, bwl procesti qate dep atağan bolatın. Onıñ aytuınşa, mwnday qadam AQŞ qoğamın ekige böledi.

Seysenbide AQŞ senatında Donal'd Trampqa impiçment jariyalau boyınşa sot procesin jalğastıru mäselesi dauısqa salındı. Senatorlardıñ basım böligi (55-i qoldap, 45-i qarsı dauıs bergen) procesti bastaudı qoldasa da, respublikaşıldardıñ köbi bwrınğı prezident Donal'd Trampqa impiçment jariyalauğa qarsı bolğan. Dauıs beru nätijesi Tramptı «tärtipsizdikke itermeledi» dep ayıptağan demokrattardıñ wsınısı Senatta qoldau tappaytının körsetti.

Trampqa impiçment jariyalau turalı qarardı Ökilder palatası 13 qañtarda qabıldadı. Al 25 qañtarda kongressmender qwjattı Senatqa tapsırdı. Ayıptaudıñ bir babı – narazılıq şerulerin wyımdastırıp, bülikke itermeleu. Impiçment räsimi Tramptıñ 6 qañtarda jasağan mälimdemelerine baylanıstı bastaldı. Sol küni Vaşingtonda onı qoldau üşin mıñdağan demonstranttar Kongreske kirip, prezident saylauınıñ nätijelerin jariyalauğa jol bermeuge tırıstı.

"The Qazaq Times"