«Qızıl aymaqtağı» Almatıda karantin talaptarı küşeytiledi

«Qızıl aymaqtağı» Almatıda karantin talaptarı küşeytiledi. Bügin Almatı qalalıq bas sanitar däriger Jandarbek Bekşinniñ karantindik şekteulerge qatıstı jaña qaulısı şıqtı. Birinşi aqpanda küşine enetin qwjatqa säykes koronavirustıq infekciyanıñ barlıq nısandarındağı nauqastar mindetti türde auruhanağa jatqızıladı. 

Sonımen qatar Almatıdağı sauda ortalıqtarınıñ jwmısı demalıs künderi şekteledi.

Jwmıs künderi sağat 10:00-den 20:00-ge deyin SOSO, sauda üyleri men sauda jelileriniñ qızmeti şektelip, senbi jäne jeksenbi künderi qızmetke tıyım salınadı. Senbi jäne jeksenbi künderi tıyım salumen jabıq bazarlardıñ jwmısın sağat 17:00-ge deyin, jeksenbi künderi tıyım salumen aşıq bazarlardıñ jwmısın şekteledi.

Al qoğamdıq tamaqtanu ob'ektileriniñ qızmeti sağat 9:00-den 20:00-ge deyin şektelse, SOSO men sauda üylerinde ornalasqan qoğamdıq tamaqtanu ob'ektileri men fudkorttar 7:00-20:00-ge deyin jwmıs isteydi.

Bwdan bölek saunalar, SPA-ortalıqtar, basseynderdiñ kündelikti jwmısın sağat 8:00-den 21:00-ge deyin şektey otırıp, senbi-jeksenbi künderi qızmetine tıyım salınadı.

Tehnologiyalıq process jwmısşılardıñ jwmıs ornında jäne qalanıñ tınıs-tirşiligin qamtamasız etetin memlekettik organdardıñ, wyımdar men ob'ektilerdiñ boluın boljaytın önerkäsiptik, qwrılıs jäne özge de wyımdardı qospağanda, qızmetkerleriniñ sanı 20 jäne odan köp adam bolatın wyımdar jwmısşılarınıñ 80%-ı qaşıqtan jwmıs rejimine köşiriledi.

Wjımdıq is-şaralardı (namaz jäne Qwdayğa qwlşılıq etu) ötkizbey dini ob'ektilerdiñ qızmetine rwqsat etiledi 15 adamnan aspaytın jeke jäne wyımdasqan toptar üşin erekşe qorğalatın tabiği aumaqtarğa baruğa rwqsat beriledi.
27 qañtarda Qazaqstanda PTR testi oñ şıqqan tağı 1 413 adam tirkeldi. 83 adamğa koronavirus pnevmoniyası diagnozı qoyılğan. Särsenbide 16 adamnıñ qaytıs bolğanı habarlandı: 11 adam - koronavirustan, 5 adam koronavirus pnevmoniyasınan qaytıs bolğan.

Resmi mälimet boyınşa, Qazaqstanda naurız ayınan beri koronavirus jwqtırğandar 182 530 adamğa jetti. 164 319-ı jazılğan. Ötken täulikte 1 163 adam ayıqqan. 2020 jıldıñ naurız ayınan beri 2 521 adam qaytıs bolğan.

"The Qazaq Times"