«قىزىل ايماقتاعى» الماتىدا كارانتين تالاپتارى كۇشەيتىلەدى. بۇگىن الماتى قالالىق باس سانيتار دارىگەر جانداربەك بەكشيننىڭ كارانتيندىك شەكتەۋلەرگە قاتىستى جاڭا قاۋلىسى شىقتى. ءبىرىنشى اقپاندا كۇشىنە ەنەتىن قۇجاتقا سايكەس كوروناۆيرۋستىق ينفەكتسيانىڭ بارلىق نىساندارىنداعى ناۋقاستار مىندەتتى تۇردە اۋرۋحاناعا جاتقىزىلادى.
سونىمەن قاتار الماتىداعى ساۋدا ورتالىقتارىنىڭ جۇمىسى دەمالىس كۇندەرى شەكتەلەدى.
جۇمىس كۇندەرى ساعات 10:00-دەن 20:00-گە دەيىن سوسو، ساۋدا ۇيلەرى مەن ساۋدا جەلىلەرىنىڭ قىزمەتى شەكتەلىپ، سەنبى جانە جەكسەنبى كۇندەرى قىزمەتكە تىيىم سالىنادى. سەنبى جانە جەكسەنبى كۇندەرى تىيىم سالۋمەن جابىق بازارلاردىڭ جۇمىسىن ساعات 17:00-گە دەيىن، جەكسەنبى كۇندەرى تىيىم سالۋمەن اشىق بازارلاردىڭ جۇمىسىن شەكتەلەدى.
ال قوعامدىق تاماقتانۋ وبەكتىلەرىنىڭ قىزمەتى ساعات 9:00-دەن 20:00-گە دەيىن شەكتەلسە، سوسو مەن ساۋدا ۇيلەرىندە ورنالاسقان قوعامدىق تاماقتانۋ وبەكتىلەرى مەن فۋدكورتتار 7:00-20:00-گە دەيىن جۇمىس ىستەيدى.
بۇدان بولەك ساۋنالار، سپا-ورتالىقتار، باسسەيندەردىڭ كۇندەلىكتى جۇمىسىن ساعات 8:00-دەن 21:00-گە دەيىن شەكتەي وتىرىپ، سەنبى-جەكسەنبى كۇندەرى قىزمەتىنە تىيىم سالىنادى.
تەحنولوگيالىق پروتسەسس جۇمىسشىلاردىڭ جۇمىس ورنىندا جانە قالانىڭ تىنىس-تىرشىلىگىن قامتاماسىز ەتەتىن مەملەكەتتىك ورگانداردىڭ، ۇيىمدار مەن وبەكتىلەردىڭ بولۋىن بولجايتىن ونەركاسىپتىك، قۇرىلىس جانە وزگە دە ۇيىمداردى قوسپاعاندا، قىزمەتكەرلەرىنىڭ سانى 20 جانە ودان كوپ ادام بولاتىن ۇيىمدار جۇمىسشىلارىنىڭ 80%-ى قاشىقتان جۇمىس رەجيمىنە كوشىرىلەدى.
ۇجىمدىق ءىس-شارالاردى (ناماز جانە قۇدايعا قۇلشىلىق ەتۋ) وتكىزبەي ءدىني وبەكتىلەردىڭ قىزمەتىنە رۇقسات ەتىلەدى 15 ادامنان اسپايتىن جەكە جانە ۇيىمداسقان توپتار ءۇشىن ەرەكشە قورعالاتىن تابيعي اۋماقتارعا بارۋعا رۇقسات بەرىلەدى.
27 قاڭتاردا قازاقستاندا پتر تەستى وڭ شىققان تاعى 1 413 ادام تىركەلدى. 83 ادامعا كوروناۆيرۋس پنەۆمونياسى دياگنوزى قويىلعان. سارسەنبىدە 16 ادامنىڭ قايتىس بولعانى حابارلاندى: 11 ادام - كوروناۆيرۋستان، 5 ادام كوروناۆيرۋس پنەۆمونياسىنان قايتىس بولعان.
رەسمي مالىمەت بويىنشا، قازاقستاندا ناۋرىز ايىنان بەرى كوروناۆيرۋس جۇقتىرعاندار 182 530 ادامعا جەتتى. 164 319-ى جازىلعان. وتكەن تاۋلىكتە 1 163 ادام ايىققان. 2020 جىلدىڭ ناۋرىز ايىنان بەرى 2 521 ادام قايتىس بولعان.
قاندى قاڭتار سوتى. بەس جىلعا سوتتالعان ارتىقباەۆ ەشقانداي دالەل جوق دەپ ۇكىممەن كەلىسپەيدى
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن