Keşe AQŞ-tıñ jaña qorğanıs ministri Lloyd Dj.Ostin keşe, 27 qañtar ündistandıq äriptesi Radjnat Siñhqa  qoñırau şalıp, Ündi-Tınıq mwhitı aymağınıñ aşıqtığı men twraqtılığı üşin ıntımaqtastıqtı tipti de tereñdete tüsuge kelisti. Bwl turalı Pentagon aqparat qwraldarına jazbaşa mälimdeme taratqan.

AQŞ Qorğanıs departamentiniñ habarına qarağanda, Ostin men Singh barğan sayın damıp kele jatqan «AQŞ-Ündistan qorğanıs seriktestiginiñ» mazmwnın barğan sayın keñeytip, öñirdiñ twraqtılığına qajetti eñ negizgi mäselelerde ıntımaqtastıqtı tipti de damıta tüsetinderin aytqan. Sonday-aq, eki el Ündi-Tınıq mwhitı aymağındağı (ÜTMA) müddelerin ortaqtastıruğa tırısadı.

Al, India Today basılımınıñ habarında, Ündistan ükimeti Bayden ükimetiniñ jaña qwramın qızmetimen qwttıqtap ekijaqtı qarım-qatınastı damıtu turalı wsınıstarın bildirgen. Ündistan qorğanıs ministri Siñh öziniñ äleumettik jeli paraqşasında: «Biz Ündistan men AQŞ-tıñ qorğanıs salasındağı ıntımaqtastığın tereñdetuge degen mindetterimizdiñ bar ekenin rastaymız. Biz eki eldiñ strategiyalıq seriktestigin nığaytu üşin aymaqtıq jäne jahandıq mäseleler boyınşa pikir birligine keldik», – dep jazğan.

AQŞ Qorğanıs departamentiniñ jaña jetekşisi bwğan deyin Oñtüstik Koreya, Japoniya jäne Australiyadağı äriptesterimen söylesken edi. Bwğan qarap Bayden biiligi öziniñ Qıtayğa qaratqan sayasatın jariya etuden bwrın Qıtaydı qorşap twrğan ÜTMA-dağı odaqtarı men serikteriniñ pikirlerin bilip, ortaq müddelerdi qarastırıp jatır deuge boladı.

“The Qazaq Times”