كەشە اقش-تىڭ جاڭا قورعانىس ءمينيسترى للويد دج.وستين كەشە، 27 قاڭتار ۇندىستاندىق ارىپتەسى رادجنات سيڭحقا  قوڭىراۋ شالىپ، ءۇندى-تىنىق مۇحيتى ايماعىنىڭ اشىقتىعى مەن تۇراقتىلىعى ءۇشىن ىنتىماقتاستىقتى ءتىپتى دە تەرەڭدەتە تۇسۋگە كەلىستى. بۇل تۋرالى پەنتاگون اقپارات قۇرالدارىنا جازباشا مالىمدەمە تاراتقان.

اقش قورعانىس دەپارتامەنتىنىڭ حابارىنا قاراعاندا، وستين مەن سينگح بارعان سايىن دامىپ كەلە جاتقان «اقش-ءۇندىستان قورعانىس سەرىكتەستىگىنىڭ» مازمۇنىن بارعان سايىن كەڭەيتىپ، ءوڭىردىڭ تۇراقتىلىعىنا قاجەتتى ەڭ نەگىزگى ماسەلەلەردە ىنتىماقتاستىقتى ءتىپتى دە دامىتا تۇسەتىندەرىن ايتقان. سونداي-اق، ەكى ەل ءۇندى-تىنىق مۇحيتى ايماعىنداعى ء(ۇتما) مۇددەلەرىن ورتاقتاستىرۋعا تىرىسادى.

ال، India Today باسىلىمىنىڭ حابارىندا، ءۇندىستان ۇكىمەتى بايدەن ۇكىمەتىنىڭ جاڭا قۇرامىن قىزمەتىمەن قۇتتىقتاپ ەكىجاقتى قارىم-قاتىناستى دامىتۋ تۋرالى ۇسىنىستارىن بىلدىرگەن. ءۇندىستان قورعانىس ءمينيسترى سيڭح ءوزىنىڭ الەۋمەتتىك جەلى پاراقشاسىندا: «ءبىز ءۇندىستان مەن اقش-تىڭ قورعانىس سالاسىنداعى ىنتىماقتاستىعىن تەرەڭدەتۋگە دەگەن مىندەتتەرىمىزدىڭ بار ەكەنىن راستايمىز. ءبىز ەكى ەلدىڭ ستراتەگيالىق سەرىكتەستىگىن نىعايتۋ ءۇشىن ايماقتىق جانە جاھاندىق ماسەلەلەر بويىنشا پىكىر بىرلىگىنە كەلدىك»، – دەپ جازعان.

اقش قورعانىس دەپارتامەنتىنىڭ جاڭا جەتەكشىسى بۇعان دەيىن وڭتۇستىك كورەيا، جاپونيا جانە اۋسترالياداعى ارىپتەستەرىمەن سويلەسكەن ەدى. بۇعان قاراپ بايدەن بيىلىگى ءوزىنىڭ قىتايعا قاراتقان ساياساتىن جاريا ەتۋدەن بۇرىن قىتايدى قورشاپ تۇرعان ءۇتما-داعى وداقتارى مەن سەرىكتەرىنىڭ پىكىرلەرىن ءبىلىپ، ورتاق مۇددەلەردى قاراستىرىپ جاتىر دەۋگە بولادى.

“The Qazaq Times”