Ükimet otırısında Toqaev «sınaqtan sätti ötken jağdayda, otandıq vakcinanı qabıldaymın» degen. Biraq DenMin Qazaqstanda 18 jasqa tolmağan balalar men 65 jastan asqandarğa «vakcinanıñ tiimdiligi men qauipsizdigi turalı mälimet joq bolğandıqtan», ekpe salınbaytının habarladı. YAğni 67 jastağı ekinşi prezidentke ekpe salınbaydı. «Qazaqstandıq ekpeni saldıramın» dep sendirgen prezidenttiñ bwl mälimdemesi men DenMin habaralamasındağı qayşılıq halıqtıñ vakcinaciyağa degen küdigin odan arı küşeytken tärizdi.

Resmi vedomstvo wsınğan COVID-19 vakcinaciyasınıñ tärtibi men erejesi boyınşa:

«18 jasqa tolmağan balalar men 65 jastan asqan adamdarğa vakcinanıñ tiimdiligi men qauipsizdigi turalı mälimet joq, sondıqtan bwl jastağılarğa ekpe salınbaydı».

DenMin jıl ayağına deyin 6 million adamğa vakcina saludı josparlap otır. YAğni ekpe birinşi kezekte infekciyalıq auruhana, jedel järdem, reanimaciya bölimi, auruhananıñ qabıldau bölmesinde isteytin qızmetkerlerge salınbaq. Al säuirden bastap jalpı bilim beretin mektep, joğarı oqu orındarı, medicinalıq qızmet körsetetin mekeme mamandarına vakcina egiledi.

Qazaqstanda vakcinaciya kezeñ-kezeñimen jürgiziledi:

1 aqpanda bastalatın birinşi kezeñde infekciyalıq auruhana, jedel medicinalıq järdem, reanimaciya jäne qabıldau bölmeleri, sanepidqızmet medicina qızmetkerleri vakcina ala aladı.

1 naurızda bastalatın ekinşi kezeñde jalpı bilim beretin mektepterdiñ, JOO-nıñ pedagogteri, medicinalıq qızmet qızmetkerleri.

1 säuirden bastap üşinşi kezeñde: mektep-internattardıñ, mektepke deyingi balalar mekemeleriniñ pedagogteri, studentter jäne sozılmalı auruı bar adamdar egu saldıradı.

Qazir otandıq QazCovid-in sınaqtıñ üşinşi kezeñinen ötip jatır. Ministr Aleksey Coy eldegi medicinalıq mekemelerdiñ barlığı vakcinaciyağa dayın ekenin jetkizip, jaqın arada elge koronavirusqa qarsı reseylik «Sputnik V» vakcinası jetkiziletinin ayttı. Bwğan deyin ministrlik 1 aqpanda halıqqa koronavirusqa qarsı jappay vakcina egile bastaytının, alğaşqı kezeñde reseylik däri salınatının habarlağan.

Tamızda qazaqstandıq «SK-Farmaciya» sınaqtıñ soñğı üşinşi kezeñinen tolıq ötpegen Reseydiñ tike investiciya qorımen koronavirus vakcinasın alu turalı kelisimge qol qoyğan. Sol kezde Vladimir Putin Reseydiñ älemde birinşi bolıp koronavirus infekciyasına qarsı vakcinanı tirkegenin habarlağan edi. Putin sözinde ekpeniñ öte tiimdi jwmıs isteytinin, twraqtı immundıq jüyeni qalıptastıratının jäne barlıq qajetti tekserulerden ötkenin atap ötti.

Biraq keybir batıs sarapşıları men jergilikti mamandar sınaqtan tolıq ötpegen vakcinanıñ qauipsizdigine kümän keltirgen bolatın. Sonımen qatar Reuters agenttigi preparat virustıñ mutaciyalanuına jol aşuı mümkin degen. Biraq Resey tarapı bwl aqpardı joqqa şığardı.

"The Qazaq Times"