Germaniya kancleri Angela Merkel'. Foto: dw.com

Germaniyadağı Garmiş-Partenkirhen qalasındağı auruhanada jatqan 35 pacientten koronavirustıñ «britandıq» türi anıqtaldı. Osığan baylanıstı eldegi lokdaun merzimi aqpanğa deyin wzartıldı.

Germaniya kancleri Angela Merkel' mälimdemesinde: «Biz federaldı aymaq basşılarımen bwrın josparlanğanday 25 qañtarda emes, erterek kezdesuge şeşim qabıldadıq. Nauqastar qatarın qısqartu üşin qosımşa şekteuler engizuge kelistik. Jwqtıruşılar sanı azaysa, mutaciyalanğan virustıñ taralu qarqını tejeledi. Qatañ şaralardı birinşi kezekte, azamattarımızdıñ densaulığı üşin, sonday-aq ärine, el ekonomikasın twraqtandıru üşin engizip otırmız», – deydi.

Virustıñ jaña ştamı adamdar arasında 70%-ğa tez taraydı. Biraq qauiptiligi jağınan bwrınğı türinen erekşelenbeydi. Jaña ştamm aldıñğı koronavirusqa qarağanda adamdarğa tez jwğatını anıqtalğan.

Äzirge «Britandıq» virus naqtı osı elde özgeriske wşırağan ba, ol da belgisiz. Onıñ osı elde immuniteti älsiz, viruspen küresuge därmensiz nauqastıñ ağzasında payda bolğanın nemese bolmasa sırttan kelgenin äli eşkim anıqtağan joq.

8 qañtarda virustıñ mutaciyağa wşırağan türi Europanıñ 22 elinde tirkelgen. Keyinnen Reseyde de tirkeldi. Soñğı aptada jaña ştamm kez kelgen jastağı adamdardan anıqtalıp jatır.

Sondıqtan ol bükil älemge tarap, Wlıbritaniyadağıday bastı koronavirusqa aynalu qaupi bar. DDSW Europalıq byurosınıñ direktorı Hans Klyuge: «Koronaviruspen küreste wjımdıq immunitet mañızdı röl oynauı tiis. Biraq bwl nätijege jetpes üşin aldımen virustıñ taraluın azaytu qajet. Sebebi vakcina dertke qanşalıqtı wzaq tosqauıl qoya alatını äli beymälim», – deydi.

"The Qazaq Times"