Foto: aşıq derekköz

Düniejüzilik densaulıq saqtau wyımı COVID-19 pandemiyasınıñ ekinşi jılı birinşisine qarağanda auır boluı mümkin degen boljam jasadı. Soñğı eki aptada auru jwqtıru statistikası rekordtıq körsetkişke jetken.

DDSW tötenşe jağdaylar jönindegi direktorı Maykl Rayan: «Koronavirus pandemiyası ekinşi jılğa audı. Aurudıñ taralu dinamikasın eskersek, biılğı jağday bıltırdan da auır boluı mümkin. Äsirese, Europa men Soltüstik Amerikadağı jağday kürdeli. Aua rayınıñ qolaysızdığınan indet el arasında tez taray bastadı», – deydi.

20 jeltoqsanda koronavirustıñ mutaciyağa wşırağan türi Wlıbritaniyada tirkelip, dert üdedi. Bwl virus äldeqayda tez taraladı deydi ğalımdar. Jeltoqsannıñ basında-aq Londonda virustıñ osı türin jwqtırğandardıñ ülesi dertke şaldıqqandardıñ 60%-na jetken.

Resmi mälimetter boyınşa, virus adamdar arasında 70%-ğa tez taraydı. Biraq qauiptiligi jağınan bwrınğı türinen erekşelenbeydi. Jaña ştamm aldıñğı koronavirusqa qarağanda adamdarğa tez jwğatını anıqtalğan. Älemniñ köptegen eli korol'dikpen äue qatınasın toqtatıp, bwl elderden kelgen adamdardı qatañ tekseruge kiristi .

Äzirge «Britandıq» virus naqtı osı elde özgeriske wşırağan ba, ol da belgisiz. Onıñ osı elde immuniteti älsiz, viruspen küresuge därmensiz nauqastıñ ağzasında payda bolğanın nemese bolmasa sırttan kelgenin äli eşkim anıqtağan joq.

Koronavirustıñ özgergen türi qazirge deyin 20-dan astam elde tirkeldi. Onıñ işinde Daniya, Italiya, Resey men Avstraliya bar. Virus jwqtırğan adamdardıñ barlığı tayauda ğana Wlıbritaniyadan oralğan. Al Germaniyada virus tabılğan otbası Afrikada sayahatta bolğan.

Qazir älemde dertke şaldıqqandardıñ jalpı sanı 92,3 millionğa jetti. 2 millionğa juıq adam ajal qwşqan. DDSW habarlamasında virustıñ özgergen türinen keletin qauiptiñ joğarı ekendigi aytıladı.

"The Qazaq Times"