Foto: https://www.hse.ru

Koronavirustıñ mutaciyağa wşırağan türi Reseyde de tirkeldi. Virus Wlıbritaniyağa barıp qaytqan azamattan anıqtalğan.

Jergilikti biliktiñ mälimdeuinşe, bwl elde äzirge tirkelgen jalğız oqiğa. Resmi mälimetter boyınşa, Reseyde soñğı bir künde 22 mıñnan astam adam virus jwqtırğan. Qazir mwnda dertke şaldıqqandar sanı 3 jarım millionğa juıqtadı.

Jeltoqsannıñ ayağında Wlıbritaniyada şıqqan koronavirustıñ özgergen jaña türi Niderland, Daniya jäne Avstraliyada da tirkeldi. Mälimetter boyınşa, virustıñ jaña ştamı adamdar arasında 70%-ğa tez taraydı. Biraq qauiptiligi jağınan bwrınğı türinen erekşelenbeydi. Angliyanıñ bas därigeri, professor Kris Uitti Düniejüzilik densaulıq saqtau wyımına eskertu jibergenin jäne şwğıl zertteu jasalıp jatqanın jetkizdi. Jaña ştamm aldıñğı koronavirusqa qarağanda adamdarğa tez jwğatını anıqtalğan. Älemniñ köptegen eli korol'dikpen äue qatınasın toqtatıp, bwl elderden kelgen adamdardı qatañ tekseruge kiristi.

8 qañtarda virustıñ mutaciyağa wşırağan türi Europanıñ 22 elinde tirkelgen. Soñğı aptada jaña ştamm kez kelgen jastağı adamdardan anıqtalğan. Sondıqtan ol bükil älemge tarap, Wlıbritaniyadağıday bastı koronavirusqa aynalu qaupi bar. DDSW Europalıq byurosınıñ direktorı Hans Klyuge: «Koronaviruspen küreste wjımdıq immunitet mañızdı röl oynauı tiis. Biraq bwl nätijege jetpes üşin aldımen virustıñ taraluın azaytu qajet. Sebebi vakcina dertke qanşalıqtı wzaq tosqauıl qoya alatını äli beymälim», – deydi.

"The Qazaq Times"