Wlıbritaniyada şıqqan koronavirustıñ özgergen türi Europanıñ 22 eline tarap ülgerdi. Bwl turalı Düniejüzilik densaulıq saqtau wyımınıñ Europa aymağı byurosınıñ basşısı Hans Klyuge mälimdedi.

Soñğı aptada jaña ştamm kez kelgen jastağı adamdardan anıqtalğan. Sondıqtan ol bükil älemge tarap, Wlıbritaniyadağıday bastı koronavirusqa aynalu qaupi bar.

DDSW Europalıq byurosınıñ direktorı Hans Klyuge: «Koronaviruspen küreste wjımdıq immunitet mañızdı röl oynauı tiis. Biraq bwl nätijege jetpes üşin aldımen virustıñ taraluın azaytu qajet. Sebebi vakcina dertke qanşalıqtı wzaq tosqauıl qoya alatını äli beymälim», – deydi.

Jeltoqsannıñ ayağında Wlıbritaniyada şıqqan koronavirustıñ özgergen jaña türi Niderland, Daniya jäne Avstraliyada da tirkeldi. Mälimetter boyınşa, virustıñ jaña ştamı adamdar arasında 70%-ğa tez taraydı. Biraq qauiptiligi jağınan bwrınğı türinen erekşelenbeydi. Angliyanıñ bas därigeri, professor Kris Uitti Düniejüzilik densaulıq saqtau wyımına eskertu jibergenin jäne şwğıl zertteu jasalıp jatqanın jetkizdi. Jaña ştamm aldıñğı koronavirusqa qarağanda adamdarğa tez jwğatını anıqtalğan. Älemniñ köptegen eli korol'dikpen äue qatınasın toqtatıp, bwl elderden kelgen adamdardı qatañ tekseruge kiristi.

Qazir Wlıbritaniya Europa boyınşa koronavirustan eñ köp zardap şegip otır. Keşe korol'dik aumağında 62 mıñnan astam twrğınnan qauipti infekciya tabılıptı. 1 mıñnan astam adam köz jwmğan. Bwl ötken jıldıñ säuirinen beri bolmağan körsetkiş. Jağdaydıñ odan sayın kürdelene tüsuine baylanıstı Angliya men Şotlandiya osı aptada jaña şekteu şaraların engizdi. Oğan säykes, twrğındardıñ sırtqa şığuına bolmaydı.

"The Qazaq Times"