WQMK jetekşisi Q.Taşiev. Foto: Azattıq/Qırğız.

Qırğızstannıñ Wlttıq qauipsizdik jönindegi Memlekettik komiteti keybir elderdiñ Qırğızstandağı işki sayasi jağdayğa kiliguge ärekettenip jatqanın ayttı. Bwl turalı Qırğızstan WQMK jetekşi Qamşıbek Taşiev bügingi baspasöz jiınında mälimdedi. Ol sonday-aq, osı mäsele boyınşa birneşe adamnıñ qamalğanın da jetkizdi.

Baspasöz jiınında Taşiev birqatar joğarı lauazımdılarğa qılmıstıq is qozğalıp jatqanı turalı da mälimdedi. Onıñ aytuınşa, qılmıstıq is qozğalğandar arasında Joğarı sot törayımı men parlament deputattarı da bar. Bwğan deyin jemqorlıq jäne memleket qarjısına qol salu ayıbımen is qozğalıp jatqan Rayımbek Matırayımovqa tiesili mülikterdiñ (aqşalay jäne jıljımaytın mülikteri) memleket qazınasına ötkizilgenin jetkizdi.

Qamşıbek Taşiev atalğan qwzıretti organ jetekşisi bolıp qazan ayınıñ bas şenindegi sayasi özgerister kezinde kelgen. Onıñ eldegi bilikti wstap otırğan Sadır Japarovtıñ jaqın dosı ekeni de qırğız aqparat qwraldarı aşıq jazğan. Kezekti jiın onıñ bwl qızmetke kelgennen keyingi alğaşqı keñeytilgen baspasöz jiını. Ol barlıq memlekettik qızmetkerlerdi deklaraciyası boyınşa tekseretinin jetkizgen.

Jiın soñında Taşiev keybir memleketterdiñ Qırğızstandağı işki sayasi procesterge aralasuğa ärekettenip otırğanın, bwl turalı WQMK-nıñ naqtı dälelderi bar ekenin jetkizdi. Osı mäsele boyınşa birqatar adamdardıñ twtqındalğanın da ayttı. Biraq, Qırğızstannıñ işki isine kiligu naqtı qaysı elderden bolıp jatqanın aşıq aytqan joq.

“The Qazaq Times”