Djo Baydenge ekpe egu säti wlttıq telearnadan körsetildi. Foto: VVS

AQŞ-ta koronavirusqa qarsı ekpe egu bastaldı. Birinşi kezeñde vakcina 6 million adamğa salınadı. Ekpeniñ qauipsizdigine kümän keltirmeu üşin Amerikanıñ birqatar senatorları, saylauda jeñiske jetken Djo Bayden Moderna vakcinasın alğaşqılardıñ biri bolıp qabıldadı. 

Emdik tiimdiligi 94% körsetken Moderna kompaniyasınıñ preparatın qoldanuğa ötken aptada rwqsat berilgen bolatın. Bwl – Qwrama ştattarda virusqa qarsı maqwldanğan ekinşi vakcina. Osınıñ aldında AQŞ-tıñ Azıq-tülik jäne däri-därmektiñ sapasın baqılau basqarması jergilikti Pfizer ekpesin saluğa kuälik bergen edi.

Amerikada vakcinanıñ qauipsizdigine kümän keltirmeu üşin ekpe qabıldaudı birinşi bop ükimettegiler bastağan. Bwğan deyin vice-prezident Mayk Pens, Kongress deputatı Nensi Pelosi sındı birqatar sayasatker jwrttıñ közinşe koronavirus ekpesin saldırttı. Osılayşa, olar amerikalıqtardı eguden bas tartpauğa ündedi.

Keşe Djo Baydenge däri egu procesi wlttıq telearnadan tikeley efirde körsetildi. Procesten keyin ol jappay vakcinaciyalau bağdarlamasınıñ bastaluına sebepker bolğan Donal'd Tramp äkimşiliginiñ jwmısın joğarı bağaladı. Äzirge, AQŞ-tıñ qazirgi prezidenti Donal'd Tramp virusqa qarsı ekpe saldırtqan joq.

AQŞ-tıñ vice-prezidenti Mayk Pens. Foto: VVS

Al Qazaqstanda vakcina egu aqpanda bastalmaq. Ükimet basşısı Asqar Maminniñ aytuınşa, koronavirusqa qarsı ekpeni birinşi kezekte därigerler, mwğalimder men tärtip saqşıları qabıldaydı. Sosın egde jastağılar men sozılmalı auruı bar adamdarğa da egiledi.

Älem boyınşa sınaqtan sätti ötken Pfizer, BioNTech farmacevtikalıq kompaniyası jasağan ekpe jäne amerikalıq Moderna ekpesin saludı bastağan elder qatarında Wlıbritaniya, AQŞ jäne Kanada bar.

Virusqa qarsı ekpege birinşi bolıp Wlıbritaniya biligi rwqsat berdi. 9 jeltoqsanda Britaniyada Pfizer kompaniyası öndirgen vakcinanı alğaşqı bolıp 90 jastağı Margaret Kinan esimdi britandıq äyel qabıldadı. Eldiñ Densaulıq saqtau ministri Mett Hankoktıñ aytuınşa, ekpeniñ 40 million dozasına tapsırıs berilgen.

Amerikalıq Pfizer jäne onıñ germaniyalıq seriktesi BioNTech kompaniyası birlesip äzirlegen vakcinanıñ tiimdiligi klinikalıq sınaqta 90%-dan astam oñ nätije körsetken. Al Oskford universiteti men AstraZeneca kompaniyası öndirgen koronavirusqa qarsı vakcina 70% tiimdilik körsetti.

Virusqa qarsı ekpe egu bastalğannan keyin, Wlıbritaniyada COVID-19-dıñ mutaciyağa wşırağan türi anıqtaldı. Osığan baylanıstı Britaniyada törtinşi deñgeyli lokdaun engizildi. Sonımen qatar, mutaciyağa wşırağan virus Niderland, Daniya, Australiya jäne Oñtüstik Afrikada da tirkeldi. Mälimetter boyınşa, virustıñ jaña ştamı adamdar arasında 70%-ğa tez taraydı. Biraq qauiptiligi jağınan bwrınğı türinen erekşelenbeydi.

"The Qazaq Times"