COVID-tiñ jaña ştamı (VUI-202012/01) Wlıbritaniyada tirkelip, virustı jwqtıru deñgeyi kürt artqan. Osığan baylanıstı elde törtinşi deñgeyli lokdaun engizilip, birqatar memleketter Wlıbritaniyamen äue baylanısın uaqıtşa toqattı.

The Guardian mälimetinşe, virustıñ jaña ştamı adamdar arasında 70%-ğa tez taraydı. Biraq qauiptiligi jağınan bwrınğı türinen erekşelenbeydi. Angliyanıñ bas därigeri, professor Kris Uitti  Düniejüzilik densaulıq saqtau wyımına eskertu jibergenin jäne şwğıl zertteu jasalıp jatqanın jetkizdi. Virustıñ basqa mutaciyasınıñ tabılğanın Oñtüstik Afrika Respublikasınıñ Densaulıq saqtau ministrligi de habarladı. Onıñ da taralu qarqını joğarı.

Qauipti virustıñ aldın alu üşin karnatin talaptarı bwrınğıdan qatañdatıldı. Büginnen bastap Londonda jäne Angliyanıñ oñtüstik-batısında sauda jäne qızmet etu orındarı tügel jabılıp, 18 million halıqqa tuıstarımen aralasuğa tıyım salınadı. Tek şaştaraz jäne sport klubtarı sekildi asa qajet qızmet ortalıqtarı jwmıs isteydi.

Osığan deyin Wlıbritaniya zañında karantin şekteuleriniñ tek üş deñgeyi ğana qarastırılğan. Osı künge deyin el lokdaunnıñ üşinşi deñgeyinde bolğan. Onıñ özi «asa joğarı epidemiyalıq qauip töngende» engiziledi.

Eldiñ densaulıq saqtau ministri Mett Henkok Korol'dikte koronavirustıñ bwrınğıdan jıldam taralatın ştammı anıqtalğanın 14 jeltoqsanda habarlağan. Ahualdıñ uşığuına baylanıstı mälimdeme jasağan Britaniya prem'er-ministri Boris Djonson: «Virustıñ jaña türi tudıruı mümkin qauipke baylanıstı bwğan deyin josparlağanımızday Rojdestvonı erkin toylay almaytındığımızdı habarlağım keledi. Jaña şekteuler jariyalanğan aymaqtardıñ twrğındarı mereke künderi öz otbası müşelerinen basqalarımen aralaspauı kerek», – dedi. Jaña ştamnıñ tirkelgendigi jaylı mälimet taray salısımen, Kanada, Europanıñ birqatar elderi men Latın Amerikası Wlıbritaniyamen äue baylanısın uaqıtşa toqtattı.

Elde karantinniñ küşeyuine narazılar az emes. Keşe lokdaunnıñ engiziluin qarsı şıqqandar Parlament üyiniñ aldına jinaldı. Beybit ereuildi atqa mingen policiya aralaspay, baqılap twrdı. Ötken senbide prem'er-ministr Boris Djonson el astanasında jäne Britaniyanıñ oñtüstik-şığısında Jaña jıl aldında şekteu şaraların küşeytetinin aytıp, merekeni keñinen toylauğa tıyım salğan bolatın. Ol bwl talaptı koronavirustıñ jaña türiniñ payda boluımen tüsindirdi.

Älem boyınşa qauipti virus jwqtırğandar sanı 76,8 millionğa jetti. Koronavirus alğaş Qıtaydıñ Uhan' qalasında tirkelgen. Qazir Wlıbritaniya koronavirustan qaytıs bolğandar sanı boyınşa Europada Italiyadan keyin ekinşi orında twr. Virus jwqtırğandar kürt köbeyip, medicina qızmetkerleriniñ küşi jetpey jatır. Ötken aptanıñ özinde auruhanalardağı nauqastardıñ sanı 18,5 mıñ bolğan. Bwl pandemiyanıñ alğaşqı tolqınındağı cifrlardan säl ğana tömen.

"The Qazaq Times"