Qazaqstan prezidenti Toqaev. Foto: AP

«Estitin memleket» qwrudı kökseytin Toqaev demokratiyağa jol aşatın sayasi reformanıñ jaña toptaması äzirlenip jatqanın, onı aldağı jıldıñ basında jariyalaytının mälimdedi.

Prezident Täuelsizdik künine arnalğan memlekettik nagradalardı tapsıru räsiminde söylegen sözinde:

«Täuelsizdigimizdiñ 29 jılı kürdeli äri ädetten tıs sürleude ötti. Mwnday tağdırlı sınaqtar är wrpaqtıñ basına tüse bermeydi.  Bolaşaq wrpaq küresimizdi layıqtı bağalarına senimdimin. Älemdik auır tauqımetti eñsergen boyda biz aldımızğa bwdan da batıl maqsattar men mindetter qoyamız», – dep uäde berdi.

Ol 2021 jıldı «Täuelsizdiktiñ 30 jıldığı» dep jariyalaytının habarladı. «Ötkendi saralau» maqsatında kelesi jıldı eldik twrğıda «naqtı istermen jäne jaña jobalarmen» ötkizbek körinedi.

«Biz bası artıq akciyalar men pafostıq is-şaralardan bas tartamız, barlıq jwmıs barınşa pragmatika türinde, ünemdeu arqılı jürgiziledi. Ekonomika, äleumettik sala, ekologiyada jüyeli şaralardıñ kölemdi keşenin iske asırudı jalğastıramız. Halıqtıñ barlıq tobın, äsirese jastar men äyelderdiñ, mümkindigi şekteuli adamdardıñ mwqtajdıq-qajettilikterine jiti nazar audaramız», – degen ol äleumettik sayasatta atqarılğan «şarualardı» bayandadı.

Toqaev pandemiyanıñ köktemgi tolqını ekpin ala bastağan twsta asığıs qabıldanğan beybit jinalıstar, sayasi partiyalar jäne saylau turalı zañdardı «sayasi özgeris» retinde atadı. Sonımen qosa, Parlament atqaruı tiis jükti kötergen Wlttıq keñestiñ bastamasımen 9 zañ qabıldanğanın atap ötti. Marapat ülestirgeni de osıdan.

«Biz elde sayasi jañğırtu üderisin jalğastıruğa nıq niettemiz. Qazir endigi jıldıñ basında jariyalanatın sayasi reformalardıñ jaña jiıntığı dayındalıp jatır. Bwl «halıq ünine qwlaq asatın memleket» qwruğa, ädilettilik pen teñ mümkindikter qağidatın ilgeriletuge bağıttalğan elimizdegi demokratiyalıq özgeristerge jaña serpin beredi», – dep jiptiñ wşın körsetti Toqaev.

Aldağı jılğı täuelsiz jeke baqılauşılar qızmetiniñ ayasın tarıltu jäne tek partiyalıq tizim arqılı saylanu mehanizmi siyaqtı «erekşe şekteulermen» ötetin Mäjilis pen mäslihattar saylauın «el ömirindegi  mañızdı oqiğa» deydi. Ol sayasi nauqan «qoğamnıñ joğarı azamattıq belsendiligi men sayasi kemeldenuiniñ körinisi bolarına senimdi» ekenin jetkizdi. Sonımen qosa, saylau «memlekettiliktiñ institucionaldı twraqtılığın tağı da  ayqın däleldeydi» dep tolıqtırdı.

Azamattıq qoğam belsendileri men täuelsiz qwqıq qorğauşılar prezident demokratiyanı damıtu turalı köp söz etetinin, – elde adam qwqığı men sayasi ömirge aralasuda qısım tıyılmay twrğanın aytadı. Olardıñ sözinşe, azamattıq belsendilik jöninde aqparat ministrligi men prezident jii aytadı, alayda qwzırlı organdar men küştik qwrılımdar tarapınan ärtürli sebepke baylanıstı ayıptau faktileri azaymağan.

"The Qazaq Times"