Aldanğan halıqtıñ ünin Toqaev «esti me»?

Şımkentte qarjı piramidasına aldanğan narazı top prezident Toqaevqa ündeu jariyaladı.

14 jeltoqsan küni Şımkent qalasında qarjı piramidasına aldandıq degen 20 şaqtı azamat Abay sayabağına jinalıp, bilikten mäseleni şeşip beruin talap etti. Qolına «Halıqtı tonağan «Garant 24», «Vıgodnıy zaym», «Prezident özge elge kömekteskenşe öz eliñdi jarılqa!», «Qwqıqtıq memlekette qarjı piramidası keñ etek jaydı...», «% alıp tastap halıqqa kömektessin» degen jazuı bar plakattar wstap twrdı.

Jinalğandar arasında qarja piramidasına 1 mln 200 mıñ teñge köleminde aqşa salıp qaytara almay qalğan Ruslan Dospanbetov osınday qılmıstıq toptardıñ halıqtı aşıq türde aldauına mümkindik berip otırğan memleketti ayıptadı. Ol keybir azamattardıñ qarjı piarmidasına aqşa salu üşin bankten nesie alğanın jäne qazirgi jağdayı qiındağanın, qarızın qaytara almay qaytıs bolğandarı da bar ekenin jetkizdi.

Narazı toptıñ atınan jazılğan ündeudi qarjı toptardıñ birine aldanğan salımşı Marat Sälimbaev oqıdı. Ündeude «Garant 24», «Vıgodnıy zaym», «Esteyt» osı sındı qarjı piramidalarınıñ jwmıs isteuine qay memlekttik mekemeler rwrsat bergenin jäne kim kömekteskenin anıqtau talap etilgen. Sonımen qosa ündeude salımşalardıñ aqşaları qaytarılmasa, jalpıhalıqtıq mitingige şığatını aytıldı. Ündeu oqılğannan keyin jinalğandar «aqşa qaytarılsın!», «talap etemiz!», «Nazarbaev, Toqaev elge kömek beriñder!» dep ayqayladı. Bwğan deyin osı sındı narazılıqtar eldiñ är öñirinde ötken.

Şımkent qalalıq policiya departamentiniñ deregine qarağanda respublika boyınşa «Garant 24», «Vıgodnıy zaym», «Esteyt» qarjı piramidasına aldanğan salımşılardıñ isin işki ister ministrligi tergep jatır. Şımkentte 2 mıñnan astam adam qarjı piramidasına aldındıq dep arız tüsirgen.
Är jıl sayın tek atauı özgergen türde payda bolıp halıqtıñ aqşasın jımqıratın qarjı piramidası tıyılmay twr. Zañgerlerdiñ sözinşe köbine mwnday ister alayaqtıq babımen tirkelgen küyinde qalıp qoyadı.

Resmi derek boyınşa, Qazaqstanda soñğı bes jılda « qarjı piramidasın qwru jäne basqaru babı boyınşa 555 is tirkelgen. Osı uaqıt aralığında şığın kölemi 13,6 mlrd teñge qarjığa jetken.

"The Qazaq Times"