فرانتسيانىڭ بىرنەشە قالاسىندا بيلىك ۇسىنعان زاڭ جوباسىنا قارسى ميتينگ ءوتتى. پاريجدەگى شەرۋ سوڭى پوليتسەيلەرمەن قاقتىعىسقا ۇلاستى. جۇرتتىڭ نارازىلىعىن تۋعىزعان ماسەلە – بيلىكتىڭ پوليتسيا قۇزىرەتىن كەڭەيتىپ، جۋرناليستەر قۇقىعىن شەكتەۋى.
ەلدىڭ ىشكى ىستەر مينيسترلىگىنىڭ نارازىلىق اكتسيالارىنا 26 مىڭنان اسا ادامنىڭ قاتىسقانىن مالىمدەدى. ال ۇيىمداستىرۋشىلار ەرەۋىلگە 133 مىڭ ادامنىڭ شىققانىن حابارلادى. تارتىپسىزدىكتەر كەزىندە 150-گە جۋىق ادام قاماۋعا الىنعان.
نارازىلار زاڭنىڭ 24-بابىنا قارسى شەرۋگە شىققان. بۇل باپ قىزمەتتىك مىندەتىن اتقارىپ جاتقان پوليتسيا قىزمەتكەرلەرىن سۋرەتكە تۇسىرۋگە تىيىم سالادى. بۇل زاڭدى قازىر فرانتسيا پارلامەنتىنىڭ تومەنگى پالاتاسى – ۇلتتىق اسسامبلەيا ماقۇلداپ، سەناتقا جىبەرىلگەن.
24-باپ اياسىندا قىزمەتتىك مىندەتىن اتقارىپ وتىرعان پوليتسەيلەردىڭ سۋرەتىن جەكە باسىنا قول سۇعۋ ماقساتىندا جاريالاۋ نە تاراتۋ ءبىر جىلعا دەيىن باس بوستاندىعىنان ايىرىلۋعا جانە 45 مىڭ ەۆرو (53 مىڭ دوللار) ايىپپۇلعا اكەلۋى مۇمكىن.
30 قاراشادا فرانتسيانىڭ 70 قالاسىندا «جاھاندىق قاۋىپسىزدىك تۋرالى» زاڭ جوباسىنا قارسى نارازىلىق اكتسيالارى ءوتتى، ونىڭ ەرەجەلەرى پوليتسيا مەن جاندارمەريا قىزمەتكەرلەرىنىڭ فوتو جانە ۆيدەو تۇسىرىلىمدەرىن جۇرگىزۋگە تىيىم سالادى. بۇقارالىق شەرۋلەردىڭ ۇيىمداستىرۋشىلارى قاتارىندا جۋرناليستەر كاسىپوداقتارى، «ادام قۇقىقتارىن قورعاۋ ليگاسى» جانە باسقا دا قوعامدىق بىرلەستىكتەر بار.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟