Körneki suret. Foto: Zakon.kz

Bügin, 10 jeltoqsan keşkisin saylaualdı ügit-nasihat kezeñi bastaladı. Ortalıq saylau komissiyasınıñ mälimetinşe, ügit-nasihat kezeñi  kelesi jılı 9 qañtar tüngi sağat 00:00-ge deyin jalğasadı.

Keler jılğı 10 qañtarğa belgilengen mäjilis jäne mäslihat saylauına 5 partiya qatısadı. Olar – «Qazaqstan halıq partiyası» (bwrınğı QKHP), «Nwr Otan», «Auıl», «Aq jol» jäne «Adal» (bwrınğı «Birlik»). Resmi derek boyınşa, mäjilis deputattığına 3 ümitkerden talasadı. 312 kadidattıñ (90 äyel, 222 er adam) ortaşa jası 46,7.

Beysenbi küngi brifingte OSK mäjiliske tüsetin partiyalardıñ debatı 30 jeltoqsanğa belgilengenin habarladı. Mäjiliske qatısatın partiyalardıñ pikirsayısın OSK, al mäslihat dodasın aymaqtardağı komissiya filialdarı wyımdastıradı.

Sonımen qosa, saylau aldında halıq pikirin bilu maqsatında saualnama jürgizu tek sol salada 5 jıl täjiribesi bar zañdı twlğalarğa ğana rwqsat etiledi. Äzirge OSK-ğa 7 wyım ötinim berip, rwqsat alğan. Olardıñ qatarında «Qoğamdıq pikir» QB, «Demokratiya institutı» ğılımi-zertteu associaciyası QB, «Nwr Otan» partiyası, «Euraziyalıq integraciya institutı» JŞS, «Astana zertteu» QQ, «Pravo» QQ, «ŞQO-nıñ taldau jäne boljau institutı» JŞS bar. Bir eskere ketetin jayt, OSK tirkegen wyımdardan basqa kez kelgen zañdı jäne jeke twlğalarğa (qarapayım azamat, bloger, tanımal twlğa, aqparat qwralı, qoğamdıq wyımdar t.b.) qoğamdıq saualnama jürgizuge tıyım salınadı.

Komissiyanıñ müşesi Anastasiya Şegorcovanıñ aytuınşa, qoğamdıq-äleumettik pikir-saualnamalar men saylau qorıtındısı turalı boljam saylaudan 5 kün bwrın, yağni 4 jeltoqsanğa deyin jariyalanuı tiis. Jäne ügit-nasihat kezeñi ayaqtalğanşa, 9 qañtarğa deyin mäjiliske ötudi maqsat twtqan 21 jurnalist-kandidat uaqıtşa käsibi qızmetin atqara almaydı.

Jiında aqparat jäne qoğamdıq damu vice-ministri Kemelbek Oyşıbaev äleumettik jelilerde ügit-nasihat jürgizu mäselesi wlttıq zañnamada naqtı qarastırılmağanın ayttı. Degenmen «äleumettik jeli adamnıñ jeke pikirin bildiretin alañ» retinde sanalğandıqtan kandidattardıñ jeke akkauntına (resmi paraqşası emes) «monitoring» jürgizilmeydi.

Qazaqstanda saylauğa tüsu üşin mindetti türde resmi tirkelgen äldebir partiyağa kiru qajet. Jekelegen kandidattar saylanu qwqığınan qağılğan. Täuelsiz sarapşılar partiyalıq tizimmen saylaudı ädiletsiz, şınayı opponet partiyanıñ joqtığın, olardıñ «bilikşil» ekenin aytıp sınaydı.

"The Qazaq Times"