Körneki suret. Foto: aşıq derekköz

Bilim vice-ministri Bibigül Asılova redakciya joldağan saual boyınşa, 2015 jıldan beri sot şeşimimen 2,5 mıñğa juıq jas memlekettik granttıñ aqısın öteuge mindettelgen.

«Bilim turalı» zañnıñ 47-babınıñ 17-tarmağına säykes, auıldıq kvotamen pedagogika mamandığına oquğa tüsken jastar JOO-nı bitirgennen keyin auıldıq mektepterde keminde üş jıl jwmıs isteuge mindetelgen. Osı zañ ayasında mindetti orındamağan jağdayda byudjet qarjısı sot arqılı öndiriledi. Mwnımen Bilim ministrliginiñ operatorı «Qarjı ortalığı» AQ aynalısadı.

«2015 jıldan bastap 2020 jıldıñ 26 qaraşa arasında «Qarjı ortalığı» AQ jas mamandardıñ zañ bwzuına baylanıstı 5164 arızben sotqa jiberilgen, onıñ işinde 2433 jas maman sot şeşimi boyınşa oqu şığındarın memlekettik byudjetke qaytarıp jatır. «Qarjı ortalığı» AQ jas mamandar jauapkerşilikten jaltarğan jağdayda bilim beru granttarınıñ öteluin qamtamasız etu mindeti jüktelgen», – delingen vice-ministr Bibigül Asılovanıñ jauap hatında.

Degenmen Qazaqstan jastarınıñ auıldıq jerlerge barmauınıñ öz sebebi de joq emes. Onda ömir süru sapası men jwmıs ornı zamanaui normalarğa say dep aytuğa kelmeydi. Käsibi ösu jäne bäsekelestiktiñ jolı tar. Jetkilikti jwmıs orındarı joq. Sondıqtan jas mamandardıñ köpşiligi qolına tigen jwmısqa twrıp, tirşilik etedi. Al bilik barlıq aymaqtarda kezdesetin jwmıspen qamtudıñ jetkiliksizdigin bile twra jastardı jauapqa tartudı mindetteydi. Äleumettanuşı mamandar bilim grantı memlekettik tapsırıs negizinde tağayındalğantıqtan öñirde jwmıspen qamtuğa da memleket jauaptı boluı kerek deydi. Rasında da, osınday sebeptermen qalada qızmet etip jürgen jastar «Qarjı ortalığınıñ» şağımımen borışkerlik qamıtın kiip jür.

"The Qazaq Times"