Franciya prezidenti Emmanuel' Makron. Foto: voanews.com

Franciyada «Jahandıq qauipsizdik turalı» zañ jobasına qarsı demonstraciya kezinde zardap şekken policiya qızmetkerleriniñ sanı 98-ge jetti. Jwrttıñ narazılığın tuğızğan mäsele – biliktiñ policiya qwziretin keñeytip, jurnalister qwqığın şekteui.

28 qaraşada ötken mitingte Parijde qarsılıq akciyasına 46 mıñ adam, el boyınşa 133 mıñ adam qatısqan. Policiya mälimetinşe, Parijde birneşe jerge ört qoyılğan, kölikter men kioskiler örtengen. Akciya qatısuşıları men policiya arasında qaqtığıs bolıp, 37 policey jaraqattanğan, 9 manifestant wstalğan.

Narazılar zañnıñ 24-babına qarsı  şeruge şıqqan. Bwl bap qızmettik mindetin atqarıp jatqan policiya qızmetkerlerin suretke tüsiruge tıyım saladı. Bwl zañdı qazir Franciya parlamentiniñ tömengi palatası – Wlttıq assambleya maqwldap, Senatqa jiberilgen.

24-bap ayasında qızmettik mindetin atqarıp otırğan policeylerdiñ suretin jeke basına qol swğu maqsatında jariyalau ne taratu bir jılğa deyin bas bostandığınan ayırıluğa jäne 45 mıñ evro (53 mıñ dollar) ayıppwlğa äkelui mümkin.

Respublikanıñ İşki ister ministri Jeral'd Darmanen: «Qorıtındı mälimetter: policiya men jandarmdardıñ arasında 98 adam jaraqat aldı. Men olarğa tolıq qoldau bildiremin. Bwl zorlıq-zombılıqqa kinäli adamdar jauapqa tartıluı kerek», – dep mälimdedi.

Senbide Franciyanıñ 70 qalasında «Jahandıq qauipsizdik turalı» zañ jobasına qarsı narazılıq akciyaları ötti, onıñ erejeleri policiya men jandarmeriya qızmetkerleriniñ foto jäne video tüsirilimderin jürgizuge tıyım saladı. Bwqaralıq şerulerdiñ wyımdastıruşıları qatarında jurnalister käsipodaqtarı, «adam qwqıqtarın qorğau ligası» jäne basqa da qoğamdıq birlestikter bar.

"The Qazaq Times"