Auğanstan qarulı küşteri şabuıl jasaldı. Foto; Reuters,

Auğanstannıñ Gazni provinciyasındağı äskeri bazağa jasalğan lañkestik şabuıldan keminde 31 adam qaza tauıp, 24 adam jaraqat aldı. Auğanstan qarulı küşterine jasalğan şabuıl eldegi işki dialogtıñ dağdarısın körsetti.

Gazgidağı äskeri baza auğan ükimetiniñ arnayı jasağına qarastı baza. Kuägerlerdiñ aqparat qwraldarına bergen mälimetine qarağanda joyqın jarılıs bompa tielgen kölik arqılı jasalğan.  Jergilikti resmilerdiñ mälimetine qarağanda osımen bir uaqıtta Zabul provinciyasında da jarılıs bolıp 3 adam qaza tauıp, 20-dan astam adam jaraqat alğan. Zabuldağı şabuıl assambleya törağasına bağıttalğanı turalı mälimetter bar.

Qazirge deyin bir de bir wyım atalğan eki şabuıldı öz moynına alğan joq. Degenmen, şabuıl Auğanstannıñ resmi biligi men Taliban arasındağı kelissözderdiñ dağdarısı kezinde jasaldı. Taliban ökili de mälimdemesinde atalğan şabuılğa qatıstı mälimet bermegen.

Qazir Auğanstandağı resmi bilik pen tälipter arasında kelissözder toqtap twr. Ara ağayındıq jasap otırğan Katar tarabı da taraptardıñ dialogı eñ mañızdı kezeñde üzilip qalğanına alañdaulı. Taraptardıñ kelissözderi toqtağan twsta eldegi zorlıq-zombılıq aktleri köbeydi. Bir ğana qaraşa ayınıñ özinde ondağan qauipsizdik qızmetkerleri men beybit twrğın qaza taptı. Jaraqat alğandar sanı jüzdep sanaluda.

Beybitşilik maqsatındağı kelissözderge qaramastan tälipter men resmi ükimet arasında eldegi provinciyalarğa degen qarulı talas äli jürip jatır.

“The Qazaq Times”