AQŞ prezidenti Jo Bayden men Resey prezidenti Vladimir Putin arasındağı alğaşqı kezdesu Jenevada ötetini belgili boldı. Qazir eki el arasında köptegen mäselelerde kelispeuşilikter bar, liderler arasındağı kezdesu osı qayşılıqtardı şeşuge mümkindik bepedi dep kütilgen. 

Aq üy seysenbidegi mälimdemesinde prezident Bayden 16 mausımda Jenevada Putinmen kezdeskeli otırğanın rastadı. Bayden bwl kezde G7 sammitine qatısu üşin Britaniyağa jäne NATO otırısına qatısu üşin Bryussel'ge saparlay baradı. Bayden saparınıñ osı kezeginde Putinmen de kezdespek. Bwl Bayden AQŞ prezidenti bolğannan bergi alğaşqı şeteldik saparı bolmaq.

Aq üydiñ baspasöz ökili mälimdemesinde: "Prezident mırza bwl kezdesulerde birqatar şwğıl mäselelerdi talqılaydı, sonday-aq AQŞ pen Resey qatınasınıñ boljaulı küyge tüsuine, twraqtılıq ornauına küş salamız", – degen.

Sarapşılardıñ boljauınşa, Bayden men Putin arasındağı kezdesude taraptar mañızdı kelisimderge kele almasa da, keybir jahandıq mäseleler boyınşa pikir ortaqtığın taba aladı. Taraptarda bwğan deyin özine jinağan közirleriniñ salmağı da auır, sondıqtan Bayden men Putin birden aşıq äñgimege köşui mümkin degen boljamdar da bar.

“The Qazaq Times”