Режеп Тайып Ердоған АҚШ-тың қазіргі президенті Дональд Трампқа Анкара мен Уашингтон арасындағы қарым-қатынасты ортақ мүдделер мен құндылықтар негізінде дамытуға мүмкіндік бергені үшін алғыс айтты.
Ердоған жолдаған хатта: «Сайлаудың ресми нәтижелері қандай болмасын, мен сізге ортақ мүдделер мен құндылықтар негізінде Түркия мен АҚШ арасындағы қатынастарды дамытуға негіз болғаныңыз үшін алғыс айтамын. Екі ел арасындағы тарихи қалыптасқан достық, әріптестік және одақтастық қатынастарының берік іргетасы негізінде одан әрі даму біздің ортақ мүдделерімізге сай келеді. Біз алдағы уақытта осы бағытта әрекет етуді жалғастырамыз», – делінген.
Бұған дейін Түркия президенті демократ Джозеф Байденді президенттік сайлаудағы жеңісімен құттықтаған болатын.
АҚШ-та президент сайлауы 3 қарашада өтті. Трамптың қарсыласы демократ Джозеф Байден 270-тен астам дауыс жинап, сайлаудағы жеңісін жариялады. Республикалық партия өкілдері мен Трамп Байденнің жеңгенін мойындамады және сайлаушылардың дауыстарын санауға қатысты соттарға жүгінуге ниет білдірді. Себебі олар «сайлауда заң бұзушылықтар болды және Байденнің жеңіске жетуі үшін сыртқы факторлар ықпал етті», – деп санайды.
Алматы обл пркуратурасы. Белсенділер: «Жалған жаламен қамаудағы Айгерім мен Думанға бостандық!»
Арман Әлімбеков: Мен ол жердің резиденция екенін білмедім. Ешнәрсе бұлдірмедім.
Қосай Махамбаев: оқ тиген адамды құтқарам дегенде өзімді атып тастады
Резиденция ісі. Орынғазы Серікбол: Бейбіт шеруге шықтым. ал, 269 бапты мойындамаймын
Кибершабуылға ұшыраған БАҚ өкілдері құқық қорғау органдарына арыз түсірді