AQŞ prezidenti Donal'd Tramp. Foto: VVS

AQŞ-tıñ qazirgi prezidenti Donal'd Tramptıñ saylau ştabı men Respublikalıq partiya ökilderi prezidenttik saylaudan keyin bes ştatta dauıstardı sanau procesine baylanıstı sot isin qozğadı.

Sot isi Pensil'vaniya, Miçigan, Djordjiya, Arizona jäne Nevadada bastaldı. Pensil'vaniya ştatındağı dauıs beru turalı şağımdar birneşe jergilikti sottarğa ğana emes, sonımen birge AQŞ Joğarğı sotına da joldandı.

Bwl is saylauğa deyin bastalğan bolatın, biraq sodan keyin AQŞ Joğarğı sotı onı qaraudan bas tartqan. Ötken jwmada sot respublikalıq partiya ökilderiniñ memlekettik organdarğa «byulleten'derdi jeke-jeke qarastıru» turalı talabın maqwldadı.

Düysenbide Alabama, Arkanzas, Kentukki, Luiziana, Missisipi, Missuri, Tehas, Florida, Oñtüstik Dakota jäne Oñtüstik Karolina bas prokurorları AQŞ-ta «amicus curiae brief» («sot däleli») dep atalatın nısanda joğarğı sotqa ündeu jasadı. Olardıñ pikirinşe, ştat biligi keş kelgen byulleten'derdi qabıldap, saylau turalı Konstituciyanıñ erejelerin bwzıp, öz ökilettikterinen asıp ketken. Sonday-aq dauıstar sanı wrlanğan boluı da mümkin.

Osınday sot isi Miçigan ştatınıñ sotına da berildi. Al 16 saylauşısı bar Djordjiya ştatında respublikalıq sot isi qabıldanbadı. Onda saylau komissiyasınıñ bir qızmetkeri «poşta arqılı uaqıtında kelgen byulleten'derge uçaskeler jabılğannan keyin alınğan qosımşa byulleten'der zañsız qosıldı» dep mälimdedi. Alayda sud'ya mwnı rastaytın dälelder tappadı. Arizona ştatında (11 saylauşı) is qaralıp jatır. Onda respublikaşılardıñ pikirinşe, byulleten'der tolıq eseptelgen joq.

Bloomberg agenttiginiñ habarlauınşa, Tramptıñ tikeley saylau ştabı saylau küninen bastap Ştattarda kem degende jeti sot isin qozğadı.

Tramptıñ saylau nauqanı atınan söylegen Aq üydiñ ökili Kayli Makineni: «Miçigannıñ özinde 130-dan astam jeke jazbaşa ayğaqtar alındı. Sonday-aq, biz Nevadada dauıs beruge qwqığı joq adamdardıñ mıñdağan dauıs bergeninen habardarmız», – dedi.

Saylau küni Tramptıñ zañgerleri birqatar ayırmaşılıqtardı negizge ala otırıp, saylau okrugtarınıñ sottarına jügingen. Şağımdı qarau kezinde dauıs sanau toqtap twrdı. Bwl qorıtındı nätijeniñ jariyalanuın odan arı wzarttı. Tramptıñ jeke advokatı äri wzaq jıldan bergi dosı Rudi Djuliani attanğan Filadel'fiyada osı jağday ornadı.

AQŞ-ta prezident saylauı 3 qaraşada ötti. Tramptıñ qarsılası demokrat Djozef Bayden 270-ten astam dauıs jinap, saylaudağı jeñisin jariyaladı. Respublikalıq partiya ökilderi men Tramp Baydenniñ jeñgenin moyındamadı jäne saylauşılardıñ dauıstarın sanauğa qatıstı sottarğa jüginuge niet bildirdi. Sebebi olar «saylauda zañ bwzuşılıqtar boldı jäne Baydenniñ jeñiske jetui üşin sırtqı faktorlar ıqpal etti» – dep sanaydı.

23 qaraşağa deyin ştat biligi poşta arqılı jiberilgen byulleten'derdi sanauı kerek. 12 jeltoqsanğa deyin är ştat boyınşa dauıs beru nätijeleri bekitiledi. 14 jeltoqsanda saylau alqasınıñ müşeleri dauıs beredi.

2021 jılı 6 qañtarda Kongresstiñ eki palatasınıñ birlesken otırısında saylau kollegiyasınıñ dauıs beru nätijeleri maqwldanuı kerek. Al 20 qañtarda saylanğan prezidentti wlıqtau räsimi ötedi.

"The Qazaq Times"