Foto: eadaily.com

Japoniya men AQŞ ökilderi äskeri bazalarğa jwmsalatın şığındardı bölu turalı kelissözderdiñ birinşi otırısın ötkizedi. Bwl turalı Japoniyanıñ Sırtqı ister ministri Tosimicu Motegi mälimdedi.

Motegi mälimdemesinde: «Kelissözder Uaşingtonda ötkiziledi. Negizgi taqırıp – Japoniyadağı amerikalıq äskeri nısandardıñ şığındarın bölu. Bwl turalı kelisim kelesi jılı naurızda ayaqtaladı. Biz bazalarğa bölingen şığındar Japoniya men AQŞ-qa teñdey dep sanaymız», – dedi.

Ministr kelissözderdiñ naqtı künin naqtılağan joq.

Bwğan deyin AQŞ prezidentiniñ wlttıq qauipsizdik jönindegi bwrınğı kömekşisi Djon Bolton Uaşington 2019 jılı Tokiodan jıl sayın eldegi amerikalıq äskeri bazalardı wstauğa 8 milliard dollar böludi talap etkenin aytqan. Bwl soma qazirgiden 4,4 ese köp.

Japoniyanıñ biılğı byudjet jılında äskeri bazalardı wstauğa arnalğan şığındarı 199,3 mlrd ien. YAğni osı jılğı bağam boyınşa 1,8 mlrd dollardan astam. Japoniya osı nısandarğa baylanıstı barlıq kommunaldıq şığındardı töleydi, sonımen qatar olardıñ jergilikti qızmetkerleriniñ jalaqısın aladı.

"The Qazaq Times"