جاپونيا مەن اقش وكىلدەرى اسكەري بازالارعا جۇمسالاتىن شىعىنداردى ءبولۋ تۋرالى كەلىسسوزدەردىڭ ءبىرىنشى وتىرىسىن وتكىزەدى. بۇل تۋرالى جاپونيانىڭ سىرتقى ىستەر ءمينيسترى توسيميتسۋ موتەگي مالىمدەدى.
موتەگي مالىمدەمەسىندە: «كەلىسسوزدەر ۋاشينگتوندا وتكىزىلەدى. نەگىزگى تاقىرىپ – جاپونياداعى امەريكالىق اسكەري نىسانداردىڭ شىعىندارىن ءبولۋ. بۇل تۋرالى كەلىسىم كەلەسى جىلى ناۋرىزدا اياقتالادى. ءبىز بازالارعا بولىنگەن شىعىندار جاپونيا مەن اقش-قا تەڭدەي دەپ سانايمىز»، – دەدى.
مينيستر كەلىسسوزدەردىڭ ناقتى كۇنىن ناقتىلاعان جوق.
بۇعان دەيىن اقش پرەزيدەنتىنىڭ ۇلتتىق قاۋىپسىزدىك جونىندەگى بۇرىنعى كومەكشىسى دجون بولتون ۋاشينگتون 2019 جىلى توكيودان جىل سايىن ەلدەگى امەريكالىق اسكەري بازالاردى ۇستاۋعا 8 ميلليارد دوللار ءبولۋدى تالاپ ەتكەنىن ايتقان. بۇل سوما قازىرگىدەن 4,4 ەسە كوپ.
جاپونيانىڭ بيىلعى بيۋدجەت جىلىندا اسكەري بازالاردى ۇستاۋعا ارنالعان شىعىندارى 199,3 ملرد يەن. ياعني وسى جىلعى باعام بويىنشا 1,8 ملرد دوللاردان استام. جاپونيا وسى نىساندارعا بايلانىستى بارلىق كوممۋنالدىق شىعىنداردى تولەيدى، سونىمەن قاتار ولاردىڭ جەرگىلىكتى قىزمەتكەرلەرىنىڭ جالاقىسىن الادى.
يرانداعى قانتوگىس پەن سىرتقى قىسىم: ترامپتىڭ ەكىۇشتى سيگنالى
كونستيتۋتسيا تاعى وزگەرمەك: رەفورما ما، الدە بيلىكتى قايتا قۇراستىرۋ ما؟
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
اتىراۋداعى جۇمباق جوعالۋ مەن ادام ءولىمى: ءىز-ءتۇزسىز ارتىلعان وتباسى، پوليتسيا تەرگەۋى جانە قوعام رەاكتسياسى
ايزات جۇمانوۆانىڭ ءولىمى: بۇگىن ۇكىم وقىلدى، ايىپتالۋشى 14 جىلعا سوتتالدى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى