Keybir daulı mäselelerge qaramastan Jozef Bayden AQŞ-tıñ 46-şı prezidenti retinde atala bastadı. Tramptıñ nätijege qarsı Joğarı sotqa arızdanıp jatqan äreketterinen önim bolmasa, Bayden Aq üydiñ basşısı bolmaq. Aldağı ükimetti kim jetektese de onıñ aldında birqatar auır mindetter twr. Jaña täj epidemiyası, tosın ekonomikalıq qwldırau, ötkir äleumettik qayşılıqtar jäne saylauşılar arasındağı tereñ sayasi kelispeuşilikter jağdayında AQŞ sırtqı sayasatınıñ, onıñ işinde Qıtaymen qatınastarınıñ eñ özekti mäselesi qanday boluı mümkin?

Prezidenttiñ kim bolğanına täuelsiz, AQŞ ükimetiniñ bastı mindeti Qıtaymen eki jaqtı qarım-qatınas bolmasa kerek. Qıtay taqırıbın ekinşi nemese üşinşi orınğa qoya twrıp, el işindegi tereñ sayasi qayşılıqtardı retke keltiru mindeti twr. Köptegen sarapşılar AQŞ ükimetiniñ közaldağı mindeti «Amerikalıq bolmıstı» yağni «Amerikalıq demokratiyalıq jüyeni damıtu» kezek küttirmeydi dep sanaydı.

Kezekti saylau, AQŞ-tağı asqınğan sayasi bölinisti körsetkendey boldı. Demokratiya men ädilet wğımdarı arasında da belgili deñgeyde qayşılıqtar körine bastadı, tereñ teoriyalıq tüsinik berudi qajet etetin swraqtar da tuındadı. Qıtaymen älemniñ köşbasşılıq talasına tws kelip twrğan kezde, AQŞ qoğamındağı bwl jağday sayasatkerlerdi alañdatıp otır.

AQŞ-tıñ Qıtaydağı bwrınğı elşisi Vinstor Lord Bayden äkimşiligine mınaday üş ülken ümitti artqan eken: Birinşiden, amerikalıq demokratiyalıq jüyeni jaqsartıp, tereñ sayasi bölinip-jarıludı toqtatu, amerikalıqtardı biriktiru. Ekinşiden, Qıtaymen bäsekege tüse alu üşin bolaşaqqa investiciya salu, keybir mäseleler boyınşa kelisimge de kelu, aytalıq infraqwrılım, bilim, energetika, damığan ğılım men tehnologiyalar, jasandı intellekt,  5G jäne t.b. Üşinşiden, odaqtastarmen ıntımaqtastıqtı nığaytu. Lord AQŞ öz odaqtastarımen ıntımaqtastığı bekem bolğanda ğana Qıtaydı kelisimge köndiruge boladı. Ol sonday-aq, Tramp kezinde şığıp ketken Trans-Tınıq mwhitı sauda kelisimine qayta qosıludı wsınğan.

Vinston Lord Qwrama Ştattardıñ barlıq halıqaralıq kelisimder men wyımdarğa qaytıp oraluın ümit etedi. Bwl Qwrama Ştattardıñ halıqaralıq köşbasşılıq ornın qalpına keltiredi dep sanaydı. AQŞ bwl ornın qalpına keltirmey jatıp, Qıtayğa qarsı küresuge bolmaytının,  sodan keyin ğana «Qıtayğa qarsı birikken maydan» qwruı kerek dep sanaydı.

“The Qazaq Times”