Foto: aşıq derekköz

Densaulıq saqtau ministriliginiñ mälimetinşe, 5 qaraşada Qazaqstanda 591 adamğa koronavirus jwqqanı testpen rastalğan. Bir künde 200 adam jazıldı. 

Osı aptada Qazaqstannıñ birqatar oblıstarında şekteu şaraları küşeydi. 9 qaraşadan bastap Soltüstik Qazaqstan, Pavlodar, Qostanay oblıstarı, Kökşetau qalalarında blokbeketter qoyılıp, aumaqqa kirip şığu şekteledi. Qazir Qarağandı, Şığıs Qazaqstan oblıstarı aumağına kirip-şığu üşin jolauşılar qolında PTR-test nätijesi boluı tiis.

7 qazan densaulıq saqtau ministri Aleksey Coydıñ koronavirus epidemiyası turalı boljaldı scenariydiñ üş nwsqasın tanıstırğan. Onıñ  aytuınşa, boljamğa apta sayın tüzetuler engizilip otıradı. Aleksey Coy wsınğan pessimistik scenariy boyınşa, qazan-jeltoqsanda 190 mıñ adam virus jwqtırıp, 65 mıñ adamdı auruhanağa jatqızuğa «tura keledi». Mwnday jağdayda «jeltoqsannıñ ortasında lokdaun engizilui ıqtimal». Tağı bir nwsqa realistik scenarige säykes, qazan-jeltoqsanda 90 mıñday adam virus jwqtırıp, 30 mıñın auruhanağa jatqızuğa «tura keledi».

Bwl jağdayda «lokdaun qañtarda engizilui mümkin». Coy eger jwrttıñ 100 payızı maska tağıp jürse, qatañ karantin bolmaytının, qazan-jeltoqsanda şamamen 40 mıñ adamğa virus jwğıp, 15 mıñ adam auruhanağa tüsetinin aytadı. Pandemiya kezindegi moderator vedomstvonıñ basşısı karantinniñ bastı indikatorı retinde eldegi auruhanalardıñ 70%-ı tolsa, qatañ lokdaun jariyalau kerektigin mälimdegen.

"The Qazaq Times"