Bügin AQŞ-tağı prezident saylauınıñ soñğı küni, saylaudıñ qızu bäsekede ötuine oray qorıtındı nätije belgili bolğannan keyin iri qalalarda dürbeleñ boluı da mümkin dep boljanuda.

Eki künnen beri iri qalaları boluı ıqtimal dürbeleñge aldın-ala dayındıqtarın körude. Uaşingtonda bank, qonaq üy, restoran sekildi ğimarattardıñ sırtına arnayı qorşaular twrğızuda. Köşe boyındağı köptegen dükender jwmısın uaqıtşa toqtatıp, esik-terezelerin mıqtap jauıp jatqanı turalı habarlanuda.

Äleumettik saualnama nätijesine say, dauıs beruşilerdiñ 56 payızı saylaudıñ resmi küni narazılıq şaralar küşeyip, tañdauı wqsamağan azamattar arasında qaqtığıs boluı da mümkin dep esepteydi.

Qwrama Ştattardağı qazirgi äleumettik köñil-küyge oray birqatar ştattar men iri qalalardıñ qauipsizdik qızmetkerleri dürbeleñge qarsı şaralar körip jatır. Federaldıq qauipsizdik küşter köbeytilip, birneşe qalalarda qarulı policiya köşelerdi şarlap jür.

Aq üydegi derek közderine silteme jasağan birneşe amerikalıq arnalar saylauda Donal'd Tramp jeñiske jetse qoğamdıq dürbeleñ bolıp ketui mümkin ekeni turalı mälimetterdiñ bar ekenin de habarladı. Federaldıq ükimettiñ mälimetinşe, mwnday dürbeleñder Jou Baydendi köbirek qoldağan N'yu-York, Uaşington sekildi iri qalalarda boluı ıqtimal. Eger demokrattardıñ ümitkeri jeñip şıqsa onda massalıq jürister bolmauı da mümkin.

Bwnday qoğamdıq köñil-küydi prezident Donal'd Tramptıñ mälimdemeleri payda qıldı dep sanaytındar da bar. Soñğı aylardağı mälimdemelerinde Tramp «saylau nätijesi jariyalanğan küni dauıs beru orındarına kelip demokrattardan «jeñisti qorğap qalıñdar» degen sözderi de bar. Sonday-aq, Tramp qarsılası Jou Baydenniñ wtıp şığatınına senbeydi, äri bilikti beybit jolmen ötkizip beruge de uäde bermegen.

“The Qazaq Times”