Qazaqstandı 30 jıl basqarğan eks-prezident N.Nazarbaevtıñ qwdası äri OSK törağası Berik Imaşev Mäjitwlı. Foto: Arman Muhatov

Saylau turalı zañğa säykes Qazaqstanda mäjilis jäne mäslihattar saylauı onlayn ötpeydi.

Ortalıq saylau komissiyasınıñ 22 qazan küngi brifingte OSK töreğası Berik Imaşev «Mäjilis saylauın dästürli jüyemen qağaz byullten'der arqılı ötkizemiz» dedi.

OSK müşesi Serik Sıdıqovtıñ aytuınşa, konstituciyalıq ne qwqıqtıq zañnamalardıñ eşbirinde saylau procesin karantinge baylanıstı keyinge şegeru qarastırılmağan.

«Mäjilis saylauı onlayn ötedi degen swraqtıñ  qaydan şıqqanı tüsiniksiz.  Sayasi nauqan «Saylau zañı» şeñberinde ötedi. Män beretin jayt, onlayn-saylau turalı jäne kelip jatqan wsınıstardağıday birneşe kün boyı dauıs beru zañda közdelmegen. Mäjilis saylauın dästürli jüyemen qağaz byullten'der arqılı ötkizemiz», – dedi birneşe jıl boyı OSK basşısı qızmetinde otırğan Imaşev.

Bwğan deyin, 7 qazan küni densaulıq saqtau ministri Aleksey Coy koronavirus indetine baylanıstı saylau onlayn ötui mümkin ekenin mälimdegen. Degenmen onlayn dauıs beruge narazı azamattar peticiya jariyalap, prezidentten oğan tıyım saludı swrağan.

Saylau komissiyasınıñ mamandarı «mausım-şilde qırğınına» jol berip alğan pandemiyadağı moderator-vedomstvo DenMin-niñ käsibiligine iek artadı, onıñ saylau ötkizuge qatıstı barlıq şaralardı qabıldaytınına senimdi. Tipti Sıdıqov s'ezd, ügit-nasihat, saylau tügel derligine jeke-jeke arnayı nwsqau äzirlenetinin ayttı. Onıñ aytuına qarağanda, saylauşılar 10 qañtar küni qolına kemi 2-3 byulleten' aladı. Biri mäjilis deputtattarın, ekinşisi oblıstıq ne audandıq mäslihat «halıq qalaulısın» anıqtauğa beru josparlanıp jatır.

OSK müşesiniñ biri Anastasiya Şegorcova halıqaralıq baqılauşılar keletinin jetkizdi. Degenmen mwnday baqılauşılar komissiya men Sırtqı ister ministrliginiñ tizimi boyınşa şaqırılatındıqtan, onıñ «aşıq äri möldir» principine tolıqtay kepil boları anıq emes. Sarapşılar men azamattıq qoğam belsendileri mwnı «biliktiñ qolayına keletin quırşaqtar» dep sınaydı.

Keşe memleket basşısı Toqaev Mäjilis pen Mäslihat saylauın 10 qañtarğa belgilegen. Oğan byudjetten 15,3 mlrd teñge jwmsalmaq.

“The Qazaq Times”