Foto: AR

Germaniyada koronavirustı jwqtırğandar kürt arttı. Bir künde 7 mıñnan astam adamnan virus anıqtalıp, antirekord jañarğan. Osığan baylanıstı kancler Angela Merkel' mälimdeme jasadı.

Deutsch Welle saytında jariyalanğan ündeuinde kancler halıqtı otbasılıq merekeden bas tartuğa şaqırıp, sebepsiz köşege şıqpau kerektigin eskertti. Sonımen qatar Merkel' mälimdemesinde:«Virus tez tarap jatır. Tipti jağdayımız birinşi tolqınnan da qiın der edim. Alda kürdeli kezeñ kütip twr. Sonı sezinuimiz kerek. Jäne özimizge ülken jauapkerşilik jüktelui tiis. Meylinşe oqşau bolsaq, soğwrlım indetti tejeuge öris aşıladı. Kez kelgen uaqıttı öz paydamızğa şeşuimiz kerek. Mağan jwqqan joq degen köñil küyden arılıp, jwqtırıp almaudıñ jolın izdeu kerek», – dedi.

Robert Koh institutı dertke şaldıqqandar künine 10 mıñnan assa, key aymaqtar karantinge jabılatının ayttı. Äzirge bilik karantin şekteulerin qatañdatqan. Mısalı, birqatar qalanıñ ortalıq köşelerinde betperde tağıp jüru tärtibi engizildi. Kel'nde policeyler araqaşıqtıqtı saqtau mümkin bolmasa, betperde tağıp jürui tiis.

Qazir älemde koronavirustıñ ekinşi tolqını bastalıp, 40 millionğa juıq keys tirkelgen. Germaniyada 365 mıñ adamnan virus anıqtalıp, 9 785 nauqas köz jwmğan.

"The Qazaq Times"