فوتو: ار

گەرمانيادا كوروناۆيرۋستى جۇقتىرعاندار كۇرت ارتتى. ءبىر كۇندە 7 مىڭنان استام ادامنان ۆيرۋس انىقتالىپ، انتيرەكورد جاڭارعان. وسىعان بايلانىستى كانتسلەر انگەلا مەركەل مالىمدەمە جاسادى.

Deutsch Welle سايتىندا جاريالانعان ۇندەۋىندە كانتسلەر حالىقتى وتباسىلىق مەرەكەدەن باس تارتۋعا شاقىرىپ، سەبەپسىز كوشەگە شىقپاۋ كەرەكتىگىن ەسكەرتتى. سونىمەن قاتار مەركەل مالىمدەمەسىندە:«ۆيرۋس تەز تاراپ جاتىر. ءتىپتى جاعدايىمىز ءبىرىنشى تولقىننان دا قيىن دەر ەدىم. الدا كۇردەلى كەزەڭ كۇتىپ تۇر. سونى سەزىنۋىمىز كەرەك. جانە وزىمىزگە ۇلكەن جاۋاپكەرشىلىك جۇكتەلۋى ءتيىس. مەيلىنشە وقشاۋ بولساق، سوعۇرلىم ىندەتتى تەجەۋگە ءورىس اشىلادى. كەز كەلگەن ۋاقىتتى ءوز پايدامىزعا شەشۋىمىز كەرەك. ماعان جۇققان جوق دەگەن كوڭىل كۇيدەن ارىلىپ، جۇقتىرىپ الماۋدىڭ جولىن ىزدەۋ كەرەك»، – دەدى.

روبەرت كوح ينستيتۋتى دەرتكە شالدىققاندار كۇنىنە 10 مىڭنان اسسا، كەي ايماقتار كارانتينگە جابىلاتىنىن ايتتى. ازىرگە بيلىك كارانتين شەكتەۋلەرىن قاتاڭداتقان. مىسالى، بىرقاتار قالانىڭ ورتالىق كوشەلەرىندە بەتپەردە تاعىپ ءجۇرۋ ءتارتىبى ەنگىزىلدى. كەلندە پوليتسەيلەر اراقاشىقتىقتى ساقتاۋ مۇمكىن بولماسا، بەتپەردە تاعىپ ءجۇرۋى ءتيىس.

قازىر الەمدە كوروناۆيرۋستىڭ ەكىنشى تولقىنى باستالىپ، 40 ميلليونعا جۋىق كەيس تىركەلگەن. گەرمانيادا 365 مىڭ ادامنان ۆيرۋس انىقتالىپ، 9 785 ناۋقاس كوز جۇمعان.

"The Qazaq Times"