Körneki suret. Foto: kabar.kg

Bir Atırau öñirinde biıl qañtar jäne qırküyek aylarınıñ aralığında öndiris barısında jazatayım oqiğalardan segiz adam qaza taptı. Bıltır qazaqstandıqtardıñ jalaqısın şeteldik jwmısşılarğa qarağanda kem töleuge qatıstı 109 jağday tirkelgen. 

Atırau oblısınıñ memlekettik eñbek inspekciyası basqarmasınıñ basşısı Igilik Äubäkirovtiñ aytuınşa,  jıl basınan beri bolğan barlıq 18 jazatayım oqiğadan 13 adam auır jaraqat alğan.

Bas eñbek inspektorı jalaqı, eñbek şarttarı, zañsız jwmıstan bosatu jäne t.b. mäseleler boyınşa mıñnan astam ötiniş kelip tüskenin habarlağan. Nätijesinde 403 adamnıñ konstituciyalıq qwqığı qorğalıptı.

– Tekseru nätijesinde 46 azamatqa 4,7 mln teñge jalaqısı qaytarıldı. Pandemiyağa baylanıstı auqımdı tekseru jürgizuge mümkindik bolmadı, – dedi Äubäkirov.

Bıltır eñbek inspekciyası 50-den astam şeteldik qızmetkeri bar 43 käsiporındı tekserdi. Nätijesinde qazaqstandıqtar men şeteldikterdiñ jalaqısındağı säykessizdiktiñ 109 faktisi anıqtaldı, 200-den astam şeteldik säykes keletin diplomsız jwmıs istedi. Tekseru biıl da jalğastı jäne Äubäkirovtiñ aytuınşa, jalaqıdağı teñsizdik faktileri äli de bar. Qazirgi uaqıtta osınday kemşilikteri bar 10 kompaniya eñbek inspekciyasınıñ baqılauında.

"The Qazaq Times"