Qıtay Adam qwqıqtarı jönindegi keñestiñ jaña müşesi boldı. foto; VOA,

Seysenbide Qıtay eş kedergisiz BWW Adam qwqıqtarı jönindegi keñesiniñ müşesi boldı. Onıñ qatarında Resey men Kubada bar. Halıqaralıq qwqıq qorğau wyımdarı bwnı «Qaralı kün» dep atadı.

BWW-nıñ Adam qwqığı jönindegi keñesine saylanğan elder öz elinde jäne odan tıs jerlerde «adam qwqıqtarın ilgeriletu men qorğaudıñ joğarı standarttarın wstanuğa» mindetti. Tramp äkimşiligi BWW-nıñ bwl keñesinen 2018 jılı şığıp ketken bolatın. Keñesti adam qwqığın öreskel bwzğan elderdi de qwramına qosqanı üşin ayıptap kelgen.

AQŞ Mem.hatşısı Maykl Pompeo keñesti qwramına «avtoritarlıq rejimdegi elderdi qabıldağanı» üşin ayıptap mälimdeme jasadı. Ol sözinde AQŞ-tıñ BWW-ğa müşe elderdi atalğan keñesti qayta reformalauğa şaqıratının ayttı.

«Ökinişke oray, bwl şaqırular elenbedi. Bügin Birikken Wlttar Wyımınıñ Bas Assambleyası tağı da adam qwqıqtarı turalı qorqınıştı tarihı bar elderdi, sonıñ işinde Qıtaydı, Resey men Kubanı saylap otır», – dedi AQŞ memlekettik hatşısı.

Birikken Wlttar Wyımınıñ Adam qwqıqtarı jönindegi keñesiniñ ştab-päteri Jenevada ornalasqan jäne oğan 47 memleket müşe. Bwl ret Birikken Wlttar Wyımınıñ Bas Assambleyasında  Adam qwqığı jönindegi keñestiñ 15 jaña müşesi jasırın dauıs beru arqılı sayladı. Olar: Boliviya, Wlıbritaniya, Qıtay, Kuba, Franciya, Gabon, Kot-d’Ivuar, Malavi, Meksika, Nepal, Päkistan, Resey, Senegal, Ukraina jäne Özbekstan. Olardıñ üş jıldıq merzimi 2021 jıldıñ 1 qañtarında bastaladı.

“The Qazaq Times”