Özbekstannıñ eks-prezidenti Islam Karimovtıñ qızı Gülnara Karimovanıñ Şveycariya bankterindegi 131 million dolları özbek tarabına qaytarıladı. Bwlqadam Şveycariya men Özbekstan kelisimine säykes jüzege aspaq.
Şveycariya ükimetiniñ talabına säykes, Taşkent qaytarılğan qarjını qayda jwmsağanın jariyalap otıruı kerek. Aldağı uaqıtta bwl soma halıqtıñ jağdayın jaqsartıp, eldiñ twraqtı damuın qamtamasız etetin jobalarğa bölinbek.
Bwğan deyin Karimovanıñ üstinen qılmıstıq is qozğaluı sebepti Şveycariya bankteri esepşotındağı şamamen 879 million dolların bwğattağan edi. Onıñ üstinen qozğalğan qılmıstıq is ayasında tağı 715 million dollar bwğattaulı küyde qalğan. Bwl qarjı da aldıñğı şartpen Özbekstanğa qaytarıluı mümkin.
Biıl mamırda Karimovanıñ Franciya bankterindegi 10 million dollar aqşası kelissözder nätijesinde Özbekstanğa qaytarılğan bolatın.
Qazirgi uaqıtta osı mäsele boyınşa Özbekstan ükimeti Şveycariya, AQŞ, Franciya, Resey Federaciyası jäne tağı basqa elderdiñ qwzırlı organdarımen kelissözder jürgizip jatır.
Respublikaşıldar immigraciyalıq operaciyanı sınğa aldı, biraq Tramptı aşıq ayıptaudan tartındı
Ükim özgermedi. Memlekettik tildiñ qwnı — tört jıl türme me?
Irandağı qantögis pen sırtqı qısım: Tramptıñ ekiwştı signalı
Konstituciya tağı özgermek: reforma ma, älde bilikti qayta qwrastıru ma?
AQŞ «tasadağı flotqa» tosqauıl qoydı: Olina tankeri jäne teñizdegi jaña sankciyalıq soğıs
Atıraudağı jwmbaq joğalu men adam ölimi: iz-tüzsiz artılğan otbası, policiya tergeui jäne qoğam reakciyası