13 qırküyekte elde 52 adamnan COVID-19 infekciyası, 77 adamnan koronavirus pnevmoniyası anıqtaldı. Bir künde 11 adam qaytıs bolğan.  

Bir aptadan beri Şığıs Qazaqstan oblısı kovid taraluı boyınşa birinşi qatarda twr.  Jeksenbi küni Atırau oblısında da 11 koronavirus jağdayı anıqtalğan. Basqa öñirlerdegi täulik işinde tirkelgen keyster sanı onnan aspaydı.

Virus qarqını keyingi künderi bäseñdegen Türkistan, Qızılorda, Mañğıstau oblıstarı men Almatı, Şımkent qalalarında eşbir jağday tirkelmegen. Mwnıñ sebebi senbi-jeksenbi künderi medicinalıq qwrılımdardıñ negizgi qwrılımdarı jwmıs istemeydi.

Qırküyektiñ 13-i küngi Ükimet dereginşe, 4 kisi koronavirustan qaytqan. Emdelip jatqan 4,5 mıñ adamnıñ 2 306-sı auruhanalarda, al 2 251 nauqas ambulatorlıq baqılauda. Sonday-aq, jağdayı auır 121 nauqas bar. Onıñ 22-si tım auır hälde jatır. 23 adam ökpeni jasandı jeldetu apparatına qosılğan.

Ötken täulikte koronavirus pnevmoniyasına şaldıqqan 7 adamnıñ jağdayı oñalmay, ömirden ötken.  Biraq Densaulıq saqtau ministrligi atalğan aurudıñ kündelikti keysterin aymaqtar boyınşa jariyalamaydı. Äytpese bwğan deyin aymaqtıq bölinisin keminde apta sayın aşıq derekközde jariyalauğa birneşe ret söz bergen. Vedomstvo wyımdarında 13 qırküyek nauqastar sanı az tirkelgenimen, qaytıs bolğandardıñ sanı kürt ösken. Mwnıñ sebebi äli belgisiz. Koronavirus pnevmoniyasına şaldıqqandar turalı bilik twşımdı aqparat bermeydi. Eşbir resmi resursta koronavirus siyaqtı auırğandardıñ sanı, aymaqtardağı ülesi, klinikalıq jağdayı, jas qwramı turalı parametrler müldem jariyalanbaydı.

1 tamızdan beri koronavirus pnevmoniyasına şaldıqqan  29 658 adamnıñ nebäri 6 853-i jazılğan. 13 naurızdan beri bilik moyındağan 106 855 nauqastıñ 100 mıñdayı ayıqqan.

DDSW mälimetinşe, Qazaqstanda auırğandardıñ sanı 136 mıñnan asqan. Degenmen Ükimet koronavirus pen onıñ pnevmoniyasın eki bölek eseptep keledi.

Pandemiya bastalğalı jalpı jiını virus jwqqandardıñ 2 575-si  (KVI+ / U07.1 – 1 671, KVI- / U07.2 – 328, ilespe aurulardan – 576) qaytıs bolğan. Alayda Qazaqstan biligi boyınan koronavirus tabılsa da, basqa aurulardıñ sebebinen qaytıs boldı delingen 576 adamdı jalpı statistikağa qosıp eseptemeydi. Sarapşılar bwğan qarsı. Olardıñ aytuınşa, koronavirustıñ janama äserinen qaytqandardıñ jartısınan astamınıñ sebebi qan aynalımı jüyesiniñ auruları bolğandıqtan, oğan infekciya dert qozdıruşı faktor retinde ölimge äkep soqtırğan.

Auru türi

7 qırküyek

(auru/ölim)  

8 qırküyek

(auru/ölim)

9 qırküyek

(auru/ölim)  

10 qırküyek

(auru/ölim)

11 qırküyek

(auru/ölim)

12 qırküyek

(auru/ölim)

13 qırküyek

(auru/ölim)

Apta jiıntığı

(auru/ölim)

KVI+Koronavirus

64 / 6 73 / 6 86 / 5 77 / 5 68 / 5 74 / 6 52 / 4

494 / 37

KVI-Koronavirus pnevmoniyası 16 / 1 450 / 1 347 / 1 353 / 1 307 / 2 346 / 1 77 / 7

1896 / 14

13 qırküyektegi ahual boyınşa DenMin deregi

"The Qazaq Times"