Almatıda Şoqan Uälihanov sayabağında belsendi Janbolat Mamay bastağan «Demokratiyalıq partiya» qwrğısı keletin top müşeleri wyımdastırğan miting ötip jatır.
Oqiğa ornında jürgen tilşimizdiñ habarauınşa, 100-den astam adam jinalğan mitingte eki mäsele: Qıtay ekspansiyasına qarsılıq jäne halıqqa nesielik raqımşılıq jasau talabı qoyılğan. Partiya qwrudı közdeytin «Alaş-Jeltoqsan» qozğalısınıñ müşeleri JMğa qoldau bildiruge qatıstı.
Dempartiya jetekşisi Janbolat Mamay narazılıq talaptarı turalı söyledi. Almatı qalası. 13 qırküyek, 2020 jıl. Foto: QT
«Biz pandemiya saldarınan jwmıssız qaldıq. Sonday-aq qazir bizde jalaqı az, azıq-tülik bağası östi. Mäselen, ayına 60-70 mıñ teñge ğana alamız. Ükimettiñ bwğan arnayı baqılauı joq. Qiın kezeñde däri-därmek pen tamaqqa aqşa tapşı», – deydi narazı jwrt.
Mitingke qatısuşılar sayasi twtqındardıñ, onıñ işinde qoğam belsendisi jäne ekolog Maks Boqaev pen aqın Aron Atabektiñ bosatıluın talap etude. Olar «Nesie keşirilsin!», «Qıtay ekspansiyasına jol joq!», «Çjan Syao Qazaqstannan ket!» degen jazuı bar plakattar wstap şıqqan.
Qazaqstandağı Qıtay elşiliginiñ aldında sayasi talabın bildirip jürgen belsendi jinalğandardı Qıtay ekspanciyasına qarsı twruğa şaqırdı. Almatı qalası. 13 qırküyek, 2020 jıl. Foto: QT
Osıdan birneşe kün bwrın jergilikti äkimdik nesie raqımşılığına qatıstı miting ötkizuge rwqsat berip, «sanitarlıq talaptar saqtalsın, jiın taqırıbınan auıtqımasın» dep qatañ eskertken. Bwl jolı jaña zañğa säykes baspasöz ökilderine arnayı orın da qoyılğan.
Bwğan deyin sayasatker Janbolat Mamay bastağan Demokratiyalıq partiya qwrudı közdeytin top ökilderi 13 qırküyekte miting ötkizetinin habarlağan. Top ökilderi jerdiñ şeteldikterge satılmauın, nesie amnistiyasın jariyalap, sayasi twtqındardı bosatudı talap etetinin aytqan.
Wyımdastıruşılardıñ narazılığı körneki jazbalarda. Almatı qalası. 13 qırküyek, 2020 jıl. Foto: QT
Resmi aqparattarğa süyensek, osı mäselerdi taqırıp etken miting Şımkentte de wyımdastırılğan. Alayda alañğa jinalğandardı wstap äketu bastalğan.
«Estitin, äri halıq ünine qwlaq türetin memleket» twjırımdamasın wsınğan prezident Toqaev biligi kezinde de elde ıqtimal miting qarsañında belsendiler qamalıp, miting boladı dep belgilengen orındardıñ qorşauğa alınatını ädetke aynalğan. Osığan deyin halıqaralıq wyımdar Qazaqstan biligi karantindi paydalanıp, adam qwqığın şektep jatır dep mälimdegen. Eldegi qwqıq qorğauşılar da pandemiya kezinde bilik belsendilerge qısımdı küşeytti dep dabıl qaqqan.
"Dat" sayasi basılımınıñ basşısı, jurnalist Ermwrat Bäpi. Almatı qalası. 13 qırküyek, 2020 jıl. Foto: QT
Jiın barısı arnayı dron-kamera arqılı baqılandı. Dempartiya mwnı äkimdiktiki deydi. Almatı qalası. 13 qırküyek, 2020 jıl. Foto: QT
Bastamaşıl toptıñ belsendileri sözin öleñdep te, mälimdeme türinde de jetkizdi. Almatı qalası. 13 qırküyek, 2020 jıl. Foto: QT
Akciya Ğılım Ordasınıñ kireberisi men Ş.Uälihanov eskertkişiniñ aldındağı alañnıñ arasında ötti. Almatı qalası. 13 qırküyek, 2020 jıl. Foto: QT
Dempartiya jaqtası belsendi Irısbek Toqtasın. Almatı qalası. 13 qırküyek, 2020 jıl. Foto: QT
"Alaş-Jeltoqsan" qozğalısınıñ müşeleri Dempartiyanı qoldap qatısqanın mälimdedi. Almatı qalası. 13 qırküyek, 2020 jıl. Foto: QT
Kiberşabuılğa wşırağan BAQ ökilderi qwqıq qorğau organdarına arız tüsirdi
Oyan, Qazaqstan qozğalısınıñ tağı bir belsendisin policiya bölimine şaqırdı
Ortalıq Aziya: tarihi, sayasi jäne ekonomikalıq müddeler ayasında
Qırğızstanda täuelsiz Kloop basılımınıñ qırğız tilindegi saytı bwğattaldı
Eks-ministr äyelin sabap öltirdi degen küdikpen wstaldı