الماتىدا شوقان ءۋاليحانوۆ ساياباعىندا بەلسەندى جانبولات ماماي باستاعان «دەموكراتيالىق پارتيا» قۇرعىسى كەلەتىن توپ مۇشەلەرى ۇيىمداستىرعان ميتينگ ءوتىپ جاتىر.
وقيعا ورنىندا جۇرگەن ءتىلشىمىزدىڭ حاباراۋىنشا، 100-دەن استام ادام جينالعان ميتينگتە ەكى ماسەلە: قىتاي ەكسپانسياسىنا قارسىلىق جانە حالىققا نەسيەلىك راقىمشىلىق جاساۋ تالابى قويىلعان. پارتيا قۇرۋدى كوزدەيتىن «الاش-جەلتوقسان» قوزعالىسىنىڭ مۇشەلەرى جمعا قولداۋ بىلدىرۋگە قاتىستى.
دەمپارتيا جەتەكشىسى جانبولات ماماي نارازىلىق تالاپتارى تۋرالى سويلەدى. الماتى قالاسى. 13 قىركۇيەك، 2020 جىل. فوتو: QT
«ءبىز پاندەميا سالدارىنان جۇمىسسىز قالدىق. سونداي-اق قازىر بىزدە جالاقى از، ازىق-تۇلىك باعاسى ءوستى. ماسەلەن، ايىنا 60-70 مىڭ تەڭگە عانا الامىز. ۇكىمەتتىڭ بۇعان ارنايى باقىلاۋى جوق. قيىن كەزەڭدە ءدارى-دارمەك پەن تاماققا اقشا تاپشى»، – دەيدى نارازى جۇرت.
ميتينگكە قاتىسۋشىلار ساياسي تۇتقىنداردىڭ، ونىڭ ىشىندە قوعام بەلسەندىسى جانە ەكولوگ ماكس بوقاەۆ پەن اقىن ارون اتابەكتىڭ بوساتىلۋىن تالاپ ەتۋدە. ولار «نەسيە كەشىرىلسىن!»، «قىتاي ەكسپانسياسىنا جول جوق!»، «چجان سياو قازاقستاننان كەت!» دەگەن جازۋى بار پلاكاتتار ۇستاپ شىققان.
قازاقستانداعى قىتاي ەلشىلىگىنىڭ الدىندا ساياسي تالابىن ءبىلدىرىپ جۇرگەن بەلسەندى جينالعانداردى قىتاي ەكسپانتسياسىنا قارسى تۇرۋعا شاقىردى. الماتى قالاسى. 13 قىركۇيەك، 2020 جىل. فوتو: QT
وسىدان بىرنەشە كۇن بۇرىن جەرگىلىكتى اكىمدىك نەسيە راقىمشىلىعىنا قاتىستى ميتينگ وتكىزۋگە رۇقسات بەرىپ، «سانيتارلىق تالاپتار ساقتالسىن، جيىن تاقىرىبىنان اۋىتقىماسىن» دەپ قاتاڭ ەسكەرتكەن. بۇل جولى جاڭا زاڭعا سايكەس ءباسپاسوز وكىلدەرىنە ارنايى ورىن دا قويىلعان.
بۇعان دەيىن ساياساتكەر جانبولات ماماي باستاعان دەموكراتيالىق پارتيا قۇرۋدى كوزدەيتىن توپ وكىلدەرى 13 قىركۇيەكتە ميتينگ وتكىزەتىنىن حابارلاعان. توپ وكىلدەرى جەردىڭ شەتەلدىكتەرگە ساتىلماۋىن، نەسيە امنيستياسىن جاريالاپ، ساياسي تۇتقىنداردى بوساتۋدى تالاپ ەتەتىنىن ايتقان.
ۇيىمداستىرۋشىلاردىڭ نارازىلىعى كورنەكى جازبالاردا. الماتى قالاسى. 13 قىركۇيەك، 2020 جىل. فوتو: QT
رەسمي اقپاراتتارعا سۇيەنسەك، وسى ماسەلەردى تاقىرىپ ەتكەن ميتينگ شىمكەنتتە دە ۇيىمداستىرىلعان. الايدا الاڭعا جينالعانداردى ۇستاپ اكەتۋ باستالعان.
«ەستيتىن، ءارى حالىق ۇنىنە قۇلاق تۇرەتىن مەملەكەت» تۇجىرىمداماسىن ۇسىنعان پرەزيدەنت توقاەۆ بيلىگى كەزىندە دە ەلدە ىقتيمال ميتينگ قارساڭىندا بەلسەندىلەر قامالىپ، ميتينگ بولادى دەپ بەلگىلەنگەن ورىنداردىڭ قورشاۋعا الىناتىنى ادەتكە اينالعان. وسىعان دەيىن حالىقارالىق ۇيىمدار قازاقستان بيلىگى كارانتيندى پايدالانىپ، ادام قۇقىعىن شەكتەپ جاتىر دەپ مالىمدەگەن. ەلدەگى قۇقىق قورعاۋشىلار دا پاندەميا كەزىندە بيلىك بەلسەندىلەرگە قىسىمدى كۇشەيتتى دەپ دابىل قاققان.
"دات" ساياسي باسىلىمىنىڭ باسشىسى، جۋرناليست ەرمۇرات ءباپي. الماتى قالاسى. 13 قىركۇيەك، 2020 جىل. فوتو: QT
جيىن بارىسى ارنايى درون-كامەرا ارقىلى باقىلاندى. دەمپارتيا مۇنى اكىمدىكتىكى دەيدى. الماتى قالاسى. 13 قىركۇيەك، 2020 جىل. فوتو: QT
باستاماشىل توپتىڭ بەلسەندىلەرى ءسوزىن ولەڭدەپ تە، مالىمدەمە تۇرىندە دە جەتكىزدى. الماتى قالاسى. 13 قىركۇيەك، 2020 جىل. فوتو: QT
اكتسيا عىلىم ورداسىنىڭ كىرەبەرىسى مەن ش.ءۋاليحانوۆ ەسكەرتكىشىنىڭ الدىنداعى الاڭنىڭ اراسىندا ءوتتى. الماتى قالاسى. 13 قىركۇيەك، 2020 جىل. فوتو: QT
دەمپارتيا جاقتاسى بەلسەندى ىرىسبەك توقتاسىن. الماتى قالاسى. 13 قىركۇيەك، 2020 جىل. فوتو: QT
"الاش-جەلتوقسان" قوزعالىسىنىڭ مۇشەلەرى دەمپارتيانى قولداپ قاتىسقانىن مالىمدەدى. الماتى قالاسى. 13 قىركۇيەك، 2020 جىل. فوتو: QT
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟