Foto: swissinfo.ch

Japoniyanıñ qorğanıs ministri Taro Kono Senkaku (Qıtay tarabı Dyaoyudau dep ataydı) araldarınıñ «är santimetrin» qorğauğa dayın ekenin jäne AQŞ bwl araldardı qorğau üşin küresuge dayın dep oylaymın dedi.

Kono joğarıda keltirilgen mälimdemeni särsenbide Uaşingtondağı AQŞ-Japon odağınıñ 60 jıldığına arnalğan Uaşington strategiyalıq jäne halıqaralıq zertteuler ortalığı (CSIS) ötkizgen seminarda mälimdegen.

Kono Qıtaydıñ Senkaku araldarınıñ teñizi men äue keñistigine kemeleri men wşaqtarın jii jiberip, öz ieligine alıuğa tırısqanın ayttı. Ol, mısalı, osı jıldıñ säuir ayınan bastap mausımğa deyingi üş ayda japondıq qorğanıs küşteriniñ wşaqtarı Qıtay äreketine baylanıstı 177 ret wşuğa mäjbür bolğanın keltirdi.

Qıtay bwl teñiz aymağın Dyaoyuydau aralı dep ataydı jäne onıñ öz teritoriyası dep sanaydı. Qıtay äskerileri wlttıq territoriya men egemendikti qorğau üşin jol bermeytinin jii mälimdep keledi.

Sonımen qatar Kono Qıtaydıñ ekonomikası bolaşaqta Amerika Qwrama Ştattarınan asıp tüsetinin jäne Qıtaydan tönetin qauipke AQŞ jalğız özi qarsı twru qiın bolatının ayttı.

Kono AQŞ, Japoniya, Australiya jäne Ündistan sındı tört el arasındağı ıntımaqtastıqtı nığaytu dwrıs bağıt bolmaq dedi, ol älemdegi barlıq elderdi Beyjiñniñ agressivti äreketine birigip qarsı twruğa şaqırdı.

"The Qazaq Times"