فوتو: swissinfo.ch

جاپونيانىڭ قورعانىس ءمينيسترى تارو كونو سەنكاكۋ (قىتاي تارابى دياويۋداۋ دەپ اتايدى) ارالدارىنىڭ «ءار سانتيمەترىن» قورعاۋعا دايىن ەكەنىن جانە اقش بۇل ارالداردى قورعاۋ ءۇشىن كۇرەسۋگە دايىن دەپ ويلايمىن دەدى.

كونو جوعارىدا كەلتىرىلگەن مالىمدەمەنى سارسەنبىدە ۋاشينگتونداعى اقش-جاپون وداعىنىڭ 60 جىلدىعىنا ارنالعان ۋاشينگتون ستراتەگيالىق جانە حالىقارالىق زەرتتەۋلەر ورتالىعى (CSIS) وتكىزگەن سەميناردا مالىمدەگەن.

كونو قىتايدىڭ سەنكاكۋ ارالدارىنىڭ تەڭىزى مەن اۋە كەڭىستىگىنە كەمەلەرى مەن ۇشاقتارىن ءجيى جىبەرىپ، ءوز يەلىگىنە الىۋعا تىرىسقانىن ايتتى. ول، مىسالى، وسى جىلدىڭ ءساۋىر ايىنان باستاپ ماۋسىمعا دەيىنگى ءۇش ايدا جاپوندىق قورعانىس كۇشتەرىنىڭ ۇشاقتارى قىتاي ارەكەتىنە بايلانىستى 177 رەت ۇشۋعا ءماجبۇر بولعانىن كەلتىردى.

قىتاي بۇل تەڭىز ايماعىن دياويۋيداۋ ارالى دەپ اتايدى جانە ونىڭ ءوز تەريتورياسى دەپ سانايدى. قىتاي اسكەريلەرى ۇلتتىق تەرريتوريا مەن ەگەمەندىكتى قورعاۋ ءۇشىن جول بەرمەيتىنىن ءجيى مالىمدەپ كەلەدى.

سونىمەن قاتار كونو قىتايدىڭ ەكونوميكاسى بولاشاقتا امەريكا قۇراما شتاتتارىنان اسىپ تۇسەتىنىن جانە قىتايدان تونەتىن قاۋىپكە اقش جالعىز ءوزى قارسى تۇرۋ قيىن بولاتىنىن ايتتى.

كونو اقش، جاپونيا، اۋستراليا جانە ءۇندىستان سىندى ءتورت ەل اراسىنداعى ىنتىماقتاستىقتى نىعايتۋ دۇرىس باعىت بولماق دەدى، ول الەمدەگى بارلىق ەلدەردى بەيجىڭنىڭ اگرەسسيۆتى ارەكەتىنە بىرىگىپ قارسى تۇرۋعا شاقىردى.

"The Qazaq Times"