Foto: interfax.com.ua

San-Antoniodağı Tehas universitetiniñ Medicina ğılımdar ortalığınıñ ğılımdar magistri, däriger Al'varo Moreyra koronavirus jwqtırğan balalardıñ boyında bayqalatın sindrom turalı zertteu qorıtındısın jariyaladı, dep habarlaydı Almatı äkimdiginiñ StopCovAlmaty aqparat közi.

Zertteu barısında düniejüzi boyınşa tirkelgen, balalardıñ köp jüyeli qabınu sindromınıñ 662 jağdayı taldanıp-zerdelendi. «Bwl ölim jağdayına äkep soqtıruı mümkin, sebebi bwl birden birneşe organ jüyesine zardabın tigizedi» – deydi mamandar.

Ğılımi zertteu qorıtındısına säykes, 662 balanıñ köbinde jürektiñ zaqımdanuı bayqalğan. Atalğan troponin markeri, eresekterdegi jürek talmasına diagnoz qoyu üşin qoldanıladı.
Sonday-aq, koronarlıq qan tamırlarınıñ keñeygendigi bayqalğan. Bwl qwbılıs kavasaki auruında da körinis bergen.

Balalardıñ şamamen 10%-ında koronarlıq qan tamırınıñ anevrizmi bolğan. Anevrizmge şaldıqqan balalar bolaşaqta qaterge köbirek wşıraytın körinedi.

Mul'tijüyelik sindromı bar nauqastardıñ jartısında derlik negizgi auru bolğan, olardıñ jartısı semizdik nemese deneniñ artıq salmağımen auırğan. Mamannıñ aytuınşa, koronavirustıñ tereñ türi sauıqqan soñ da bala ağzasında jağımsız izin qaldıruı ıqtimal.

"The Qazaq Times"