سان-انتونيوداعى تەحاس ۋنيۆەرسيتەتىنىڭ مەديتسينا عىلىمدار ورتالىعىنىڭ عىلىمدار ماگيسترى، دارىگەر الۆارو مورەيرا كوروناۆيرۋس جۇقتىرعان بالالاردىڭ بويىندا بايقالاتىن سيندروم تۋرالى زەرتتەۋ قورىتىندىسىن جاريالادى، دەپ حابارلايدى الماتى اكىمدىگىنىڭ StopCovAlmaty اقپارات كوزى.
زەرتتەۋ بارىسىندا دۇنيەجۇزى بويىنشا تىركەلگەن، بالالاردىڭ كوپ جۇيەلى قابىنۋ سيندرومىنىڭ 662 جاعدايى تالدانىپ-زەردەلەندى. «بۇل ءولىم جاعدايىنا اكەپ سوقتىرۋى مۇمكىن، سەبەبى بۇل بىردەن بىرنەشە ورگان جۇيەسىنە زاردابىن تيگىزەدى» – دەيدى ماماندار.
عىلىمي زەرتتەۋ قورىتىندىسىنا سايكەس، 662 بالانىڭ كوبىندە جۇرەكتىڭ زاقىمدانۋى بايقالعان. اتالعان تروپونين ماركەرى، ەرەسەكتەردەگى جۇرەك تالماسىنا دياگنوز قويۋ ءۇشىن قولدانىلادى.
سونداي-اق، كورونارلىق قان تامىرلارىنىڭ كەڭەيگەندىگى بايقالعان. بۇل قۇبىلىس كاۆاساكي اۋرۋىندا دا كورىنىس بەرگەن.
بالالاردىڭ شامامەن 10%-ىندا كورونارلىق قان تامىرىنىڭ انەۆريزمى بولعان. انەۆريزمگە شالدىققان بالالار بولاشاقتا قاتەرگە كوبىرەك ۇشىرايتىن كورىنەدى.
مۋلتيجۇيەلىك سيندرومى بار ناۋقاستاردىڭ جارتىسىندا دەرلىك نەگىزگى اۋرۋ بولعان، ولاردىڭ جارتىسى سەمىزدىك نەمەسە دەنەنىڭ ارتىق سالماعىمەن اۋىرعان. ماماننىڭ ايتۋىنشا، كوروناۆيرۋستىڭ تەرەڭ ءتۇرى ساۋىققان سوڭ دا بالا اعزاسىندا جاعىمسىز ءىزىن قالدىرۋى ىقتيمال.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟