Densaulıq saqtau ministrligi bir ay boyı redakciya swratqan koronavirustıq pnevmoniyanıñ aymaqtarğa taraluı turalı derekti berdi. Vedomstvo mälimetine qarağanda, eldegi koronavirustıq pnevmoniyanıñ bügingi ösimi 8%-ğa jetken. 

Qazaqstan Ükimeti koronavirustıq pnevmoniyanı äli künge deyin jüyeli türde jariyalaudı jolğa qoya almay keledi. KVI - nemese  U07.2 kodımen tañbalanatın derttiñ qarqını nege bäseñdemey twrğanı belgisiz. Resmi statistika boyınşa, 28 mıñğa tarta nauqastıñ nebäri 6 mıñdayı ğana ayıqqan.

DenMinniñ resmi ökili Bağdat Qojahmetovtiñ QT redakciyasına wsınğan jauabında 1 tamız-7 qırküyek aralığında tirkelgen keyster qamtılğan. Koronavirustıq pnevmoniya eñ köp anıqtalğan aymaqtar qatarında ŞQO, astana, Qostanay oblısı jäne Almatı qalası köş bastap twr. Al aurudıñ tarau ösimi Türkistan oblısı, astana, Almatı qalası, Aqtöbe, SQO, BQO öñirlerinde 10%-dıñ üstinde. Bwl qauiptiñ beti äli qaytpağanın körsetedi.

№ Aymaqtar Barlığı 1-7 qırküyek

Ösim qarqını

1

 ŞQO 3 690 316 9,4%

2

 Astana 3 212 347 12,1%
3 Qostanay oblısı 2748 142

5,4%

4

 Almatı q. 2612 271 11,6%

5

 Qarağandı oblısı 1 965 115

6,2%

6

 Pavlodar oblısı 1715 118 7,4%

7

 Jambıl oblısı 1 669 53

3,3%
8 Almatı oblısı 1 393 87

6,7%

9

 Atırau oblısı 1 346 29

2,2%

10

 Türkistan oblısı 1 223 142 13,1%
11 Aqtöbe oblısı 1 037 106

11,4%

12

 SQO 1 000 100 11,1%
13 Qızılorda oblısı 897 3

0,3%

14

 BQO 892 87 10,8%
15 Aqmola oblısı 866 73

9,2%
16 Mañğıstau oblısı 857 16

1,9%
17 Şımkent 639 43

7,2%
Respublika boyınşa 27 762 2 048

8,0%

Qazaqstan  13 naurızdan beri koronavirus jwqtırğandardıñ öñirler men qalalardağı sanın üzbey jariyalap keledi. Biraq «mausım-şilde qırğınında» talay otbasına qayğı äkelgen koronavirustıq pnevmoniyanıñ aymaqtıq atlası ministrdiñ uädesine qaramastan jolğa qoyılmay keledi. 3 tamız küni densaulıq saqtau ministri Aleksey Coy, 10 tamız DenMinniñ resmi ökili Bağdat Qojahmetov, 26 tamız onıñ kömekşisi Erbol Mändibek mine-mine deumen neşe märte söz bergen. Söz jartılay iske astı. Sebebi Ükimet müşesi, bir aydan beri el aldına şıqpağan ministr Coy bwl derektiñ resmi aşıq derekközde twraqtı jariyaluğa uäde etken.

Bwl mälimet coronovirus2020.kz saytı men DenMin resurstarınıñ eşbirinde joq. Eñ qajetti eki sayt eñ bayau jañaratın küyge tüsti.

"The Qazaq Times"