دەنساۋلىق ساقتاۋ مينيسترلىگى ءبىر اي بويى رەداكتسيا سۇراتقان كوروناۆيرۋستىق پنەۆمونيانىڭ ايماقتارعا تارالۋى تۋرالى دەرەكتى بەردى. ۆەدومستۆو مالىمەتىنە قاراعاندا، ەلدەگى كوروناۆيرۋستىق پنەۆمونيانىڭ بۇگىنگى ءوسىمى 8%-عا جەتكەن. 

قازاقستان ۇكىمەتى كوروناۆيرۋستىق پنەۆمونيانى ءالى كۇنگە دەيىن جۇيەلى تۇردە جاريالاۋدى جولعا قويا الماي كەلەدى. كۆي - نەمەسە  U07.2 كودىمەن تاڭبالاناتىن دەرتتىڭ قارقىنى نەگە باسەڭدەمەي تۇرعانى بەلگىسىز. رەسمي ستاتيستيكا بويىنشا، 28 مىڭعا تارتا ناۋقاستىڭ نەبارى 6 مىڭدايى عانا ايىققان.

دەنميننىڭ رەسمي وكىلى باعدات قوجاحمەتوۆتىڭ QT رەداكتسياسىنا ۇسىنعان جاۋابىندا 1 تامىز-7 قىركۇيەك ارالىعىندا تىركەلگەن كەيستەر قامتىلعان. كوروناۆيرۋستىق پنەۆمونيا ەڭ كوپ انىقتالعان ايماقتار قاتارىندا شقو، استانا، قوستاناي وبلىسى جانە الماتى قالاسى كوش باستاپ تۇر. ال اۋرۋدىڭ تاراۋ ءوسىمى تۇركىستان وبلىسى، استانا، الماتى قالاسى، اقتوبە، سقو، بقو وڭىرلەرىندە 10%-دىڭ ۇستىندە. بۇل قاۋىپتىڭ بەتى ءالى قايتپاعانىن كورسەتەدى.

№ ايماقتار بارلىعى 1-7 قىركۇيەك

ءوسىم قارقىنى

1

 شقو 3 690 316 9,4%

2

 استانا 3 212 347 12,1%
3 قوستاناي وبلىسى 2748 142

5,4%

4

 الماتى ق. 2612 271 11,6%

5

 قاراعاندى وبلىسى 1 965 115

6,2%

6

 پاۆلودار وبلىسى 1715 118 7,4%

7

 جامبىل وبلىسى 1 669 53

3,3%
8 الماتى وبلىسى 1 393 87

6,7%

9

 اتىراۋ وبلىسى 1 346 29

2,2%

10

 تۇركىستان وبلىسى 1 223 142 13,1%
11 اقتوبە وبلىسى 1 037 106

11,4%

12

 سقو 1 000 100 11,1%
13 قىزىلوردا وبلىسى 897 3

0,3%

14

 بقو 892 87 10,8%
15 اقمولا وبلىسى 866 73

9,2%
16 ماڭعىستاۋ وبلىسى 857 16

1,9%
17 شىمكەنت 639 43

7,2%
رەسپۋبليكا بويىنشا 27 762 2 048

8,0%

قازاقستان  13 ناۋرىزدان بەرى كوروناۆيرۋس جۇقتىرعانداردىڭ وڭىرلەر مەن قالالارداعى سانىن ۇزبەي جاريالاپ كەلەدى. بىراق «ماۋسىم-شىلدە قىرعىنىندا» تالاي وتباسىنا قايعى اكەلگەن كوروناۆيرۋستىق پنەۆمونيانىڭ ايماقتىق اتلاسى ءمينيستردىڭ ۋادەسىنە قاراماستان جولعا قويىلماي كەلەدى. 3 تامىز كۇنى دەنساۋلىق ساقتاۋ ءمينيسترى الەكسەي تسوي، 10 تامىز دەنميننىڭ رەسمي وكىلى باعدات قوجاحمەتوۆ، 26 تامىز ونىڭ كومەكشىسى ەربول ماندىبەك مىنە-مىنە دەۋمەن نەشە مارتە ءسوز بەرگەن. ءسوز جارتىلاي ىسكە استى. سەبەبى ۇكىمەت مۇشەسى، ءبىر ايدان بەرى ەل الدىنا شىقپاعان مينيستر تسوي بۇل دەرەكتىڭ رەسمي اشىق دەرەككوزدە تۇراقتى جاريالۋعا ۋادە ەتكەن.

بۇل مالىمەت coronovirus2020.kz سايتى مەن دەنمين رەسۋرستارىنىڭ ەشبىرىندە جوق. ەڭ قاجەتتى ەكى سايت ەڭ باياۋ جاڭاراتىن كۇيگە ءتۇستى.

"The Qazaq Times"