Älemde koronavirusqa qarsı jappay vakcinalau 2021 jıldıñ ortasına deyin bastalmaydı. Bwl turalı Düniejüzilik densaulıq saqtau wyımınıñ ökilderi habarladı. 

Koronavirusqa qarsı vakcinanıñ eşbiriniñ tiimdiligi 50%-ğa da jetpegen. Sol sebepti ekpeniñ qanşalıqtı qauipsiz äri tiimdi ekenine köz jetkizu üşin klinikalıq sınaqtıñ üşinşi kezeñine biraz uaqıt kerek.

Sonımen qatar, Düniejüzilik densaulıq saqtau wyımı onı bölip taratumen aynalısatın jahandıq al'yans qwradı. Oğan 76 memleket kiruge dayın ekenin rastağan. Al'yans koronavirusqa qarsı ekpeniñ türli elder arasında teñ üylestiriluin baqılaydı. Sonday-aq, onıñ eñ aldımen osal toptarğa salınuın qadağalaydı. Jobanı oğan kiretin elderdiñ ükimeti qarjılandıruı tiis. AQŞ al'yansqa qosılmaytının ayttı.

Koronavirusqa qarsı ekpe şıqqan soñ, 7,8 milliard adamdı vakcinaciyalauğa bir jarım jıldan astam uaqıt ketedi.

Sarapşılardıñ pikirinşe, wjımdıq immunitetti qalıptastıru üşin halıqtıñ 80%-ın vakcinaciyalau jetkilikti, biraq adamdarğa vakcinanıñ eki dozası qajet boluı mümkin. Älemde pandemiya bastalğalı, damığan memleketter virusqa qarsı ekpe öndiru boyınşa özara jarıs bastap ketken. Osı rette Amerika Qwrama Ştattarında klinikalıq sınaqtardı jeke farmacevtikalıq kompaniyalar ötkizbek. Qazir elde bes vakcina öndiruşisi AstraZeneca, Johnson & Johnson, Merck, Sanofi jäne Moderna ükimetpen kelisimşartqa otırdı. Al Reseyde vakcinanıñ klinikalıq sınaqtarı şildeniñ ortasında ayaqtaladı degen boljam bar.

Bwğan deyin Vladimir Putin Reseydiñ älemde birinşi bolıp koronavirus infekciyasına qarsı vakcinanı tirkegenin habarlağan edi. Putin sözinde ekpeniñ öte tiimdi jwmıs isteytinin, twraqtı immundıq jüyeni qalıptastıratının jäne barlıq qajetti tekserulerden ötkenin atap ötti. Biraq keybir batıs sarapşıları men jergilikti mamandar sınaqtan tolıq ötpegen vakcinanıñ qauipsizdigine kümän keltirgen bolatın. Sonımen qatar Reuters agenttigi preparat virustıñ mutaciyalanuına jol aşuı mümkin degen. Biraq Resey tarapı bwl dabıldı joqqa şığardı.

Qazaqstandıq «SK-Farmaciya» sınaqtıñ soñğı üşinşi kezeñinen tolıq ötpegen Reseydiñ investiciya qorımen koronavirus vakcinasın alu turalı kelisimge qol qoyğan.

"The Qazaq Times"