الەمدە كوروناۆيرۋسقا قارسى جاپپاي ۆاكتسينالاۋ 2021 جىلدىڭ ورتاسىنا دەيىن باستالمايدى. بۇل تۋرالى دۇنيەجۇزىلىك دەنساۋلىق ساقتاۋ ۇيىمىنىڭ وكىلدەرى حابارلادى.
كوروناۆيرۋسقا قارسى ۆاكتسينانىڭ ەشبىرىنىڭ تيىمدىلىگى 50%-عا دا جەتپەگەن. سول سەبەپتى ەكپەنىڭ قانشالىقتى قاۋىپسىز ءارى ءتيىمدى ەكەنىنە كوز جەتكىزۋ ءۇشىن كلينيكالىق سىناقتىڭ ءۇشىنشى كەزەڭىنە ءبىراز ۋاقىت كەرەك.
سونىمەن قاتار، دۇنيەجۇزىلىك دەنساۋلىق ساقتاۋ ۇيىمى ونى ءبولىپ تاراتۋمەن اينالىساتىن جاھاندىق اليانس قۇرادى. وعان 76 مەملەكەت كىرۋگە دايىن ەكەنىن راستاعان. اليانس كوروناۆيرۋسقا قارسى ەكپەنىڭ ءتۇرلى ەلدەر اراسىندا تەڭ ۇيلەستىرىلۋىن باقىلايدى. سونداي-اق، ونىڭ ەڭ الدىمەن وسال توپتارعا سالىنۋىن قاداعالايدى. جوبانى وعان كىرەتىن ەلدەردىڭ ۇكىمەتى قارجىلاندىرۋى ءتيىس. اقش اليانسقا قوسىلمايتىنىن ايتتى.
كوروناۆيرۋسقا قارسى ەكپە شىققان سوڭ، 7,8 ميلليارد ادامدى ۆاكتسيناتسيالاۋعا ءبىر جارىم جىلدان استام ۋاقىت كەتەدى.
ساراپشىلاردىڭ پىكىرىنشە، ۇجىمدىق يممۋنيتەتتى قالىپتاستىرۋ ءۇشىن حالىقتىڭ 80%-ىن ۆاكتسيناتسيالاۋ جەتكىلىكتى، بىراق ادامدارعا ۆاكتسينانىڭ ەكى دوزاسى قاجەت بولۋى مۇمكىن. الەمدە پاندەميا باستالعالى، دامىعان مەملەكەتتەر ۆيرۋسقا قارسى ەكپە ءوندىرۋ بويىنشا ءوزارا جارىس باستاپ كەتكەن. وسى رەتتە امەريكا قۇراما شتاتتارىندا كلينيكالىق سىناقتاردى جەكە فارماتسەۆتيكالىق كومپانيالار وتكىزبەك. قازىر ەلدە بەس ۆاكتسينا ءوندىرۋشىسى AstraZeneca, Johnson & Johnson, Merck, Sanofi جانە Moderna ۇكىمەتپەن كەلىسىمشارتقا وتىردى. ال رەسەيدە ۆاكتسينانىڭ كلينيكالىق سىناقتارى شىلدەنىڭ ورتاسىندا اياقتالادى دەگەن بولجام بار.
بۇعان دەيىن ۆلاديمير پۋتين رەسەيدىڭ الەمدە ءبىرىنشى بولىپ كوروناۆيرۋس ينفەكتسياسىنا قارسى ۆاكتسينانى تىركەگەنىن حابارلاعان ەدى. پۋتين سوزىندە ەكپەنىڭ وتە ءتيىمدى جۇمىس ىستەيتىنىن، تۇراقتى يممۋندىق جۇيەنى قالىپتاستىراتىنىن جانە بارلىق قاجەتتى تەكسەرۋلەردەن وتكەنىن اتاپ ءوتتى. بىراق كەيبىر باتىس ساراپشىلارى مەن جەرگىلىكتى ماماندار سىناقتان تولىق وتپەگەن ۆاكتسينانىڭ قاۋىپسىزدىگىنە كۇمان كەلتىرگەن بولاتىن. سونىمەن قاتار Reuters اگەنتتىگى پرەپارات ۆيرۋستىڭ مۋتاتسيالانۋىنا جول اشۋى مۇمكىن دەگەن. بىراق رەسەي تاراپى بۇل دابىلدى جوققا شىعاردى.
قازاقستاندىق «سك-فارماتسيا» سىناقتىڭ سوڭعى ءۇشىنشى كەزەڭىنەن تولىق وتپەگەن رەسەيدىڭ ينۆەستيتسيا قورىمەن كوروناۆيرۋس ۆاكتسيناسىن الۋ تۋرالى كەلىسىمگە قول قويعان.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى