Bürkitşi Ayşolopan Nwrğayıpqızı.

Keşe Bayan-Ölgiy aymağınıñ azamattarı Ökilderi Huralı men aymaq äkimi janındağı keñestiñ birikken otırısı ötti. Onda 2016 jılğı üzdikterdi anıqtalğan. Sol qatarda Empati mektebiniñ oquşısı, bürkitşi Ayşolpan Nwrğayıpqızın «Bayan-Ölgiy aymağınıñ mädeniet salasınıñ jıl üzdigi» dep tanıdı. Bwl turalı KAZNEWS habarladı.

«N.Ayşolpannıñ «Bürkitşi» derekti fil'mi arqılı Moñğoliya qazaqtarınıñ mädenietin, salt-dästürin, sayatşılıq önerin düniejüzine tanıtıp, älemniñ tüpkir-tüpkirinde ötip jatqan kino-festivalderge qatısıp, elimizdiñ, aymağımızdıñ turizm salasınıñ damuına qosıp jatqan ülesi zor» deydi habarlamada.

Esteriñizge salsaq, 87 minutqa sozılatın «Bürkitşi» fil'minde 2000 jılğa juıq tarihı bar sayatşılıq öneri däripteledi. Fil'mde Ayşolpannıñ bwl önerdi äkesinen üyrengeni körsetiledi. Jäne de bürkitşiler festivalinde özinen jası ülken bürkitşilermen sayısqa tüsip, jeñimpaz atanğan säti surettelgen.

Bwl fil'mge arnap Avstraliyalıq änşi Sia soundtrek jazğan.

Al, öz tarapımızdan, osı kişkentay ğana qız Ayşolpan bükil bir instituttıñ jügin arqalap, barşa qazaqtı älemge tanıtuda ülken eñbek atqarıp jür dep aytar edik.

«The Qazaq Times»