Tihanovskayanıñ törtinşi ündeui – «Wlt köşbasşısı»

Düysenbi, narazılıq dekadasınıñ soñına qaray Tihanovskaya halıq lideri boluğa dayın ekenin mälimdedi.

Belarus'ti şirek ğasır bilegen Aleksandra Lukaşenkonıñ sayasi Svetlana Tihanovskaya jaña beyneündeu jasadı. Ol 9 tamızda ötken saylaudan keyin Minskten Litvağa ketuge mäjbür bolğan. Oppoziciya tarapınıñ birikken kandidatı jaña saylauğa deyin wlt lideri boluğa nietti äri dayın ekenin jetkizdi.

Ol «Meniñ süyikti de qımbattı belaru' jwrtım!   Qazir barlığımız, twtas elimiz qatıgezdik erlikke, ümitsizdik batıldıqqa, mahabbat satqındıqqa aynalğan tarihtağı eñ qiın şaqtı bastan keşirip otırmız», –  dep bastadı sözin.

Sonday-aq, jaqtası köp Tihanovskaya el narazılıq kezinde qaytıs bolğan qaharmandarın qara jerge arulap tapsırğanın aytadı. jerleude dep aytadı. «Meniñ de sizdermen birge qabırğam qayısıp, qatıgezdikke qan jıladım», – degen ol  qwrban bolğandardıñ otbasılarına qoldau körsetip qana qoymay, olardıñ qwrmetine köşelerge atau berudi wsındı.

Osıdan keyin Tihanovskaya öziniñ wlt köşbasşısı boluğa ne itermeleytini turalı ağınan jarıla söyledi:

– Mağan sayasatqa aralasıp, sayasi mansap qwram degen oy üş wyıqtasam tüsime de kirip-şıqpağan. Sayasatker boludı qalağan da emespin. Biraq adamnıñ degeni emes, tağdırdıñ isimen ozbırlıq pen ädiletsizdikke qarsı alğaşqı şepte twruğa tura keldi. Tağdır jäne sizder. Sizder mağan senip qana qoymay, küş-jiger berdiñizder. Tuğan halqımnıñ batıldığın maqtan twtamın!...

«Sizder mağan dauıs berdiñizder... Men mwnı ne üşin jasağanıñızdı jaqsı bilemin. Biz 26 jıl bwrın tüsken şet-şegi joq qwrıqtan şıqqımız keledi», – dep oyın jalğadı. «Bir jağınan eldegi dürbeleñ basılıp, qalıptı jağdayğa oraluı üşin men moynıma jauapkerşilik alıp, bügingi tañda wlt köşbasşısı retinde iske kirisuge dayınmın», – degen kontr-kandidat wstanımın nıqtay ayttı.

Sonımen birge, barlıq sayasi twtqındardı meyilinşe tezirek bosatuğa arnalğan zañ jobalarınıñ toptamasın äzirlegenin, jaña prezident saylauın ötkizudiñ talaptarın dayarlağanın habarladı.

Aldağı uaqıtta «jemqorlıq pen zorlıq-zombılıqqa iek artıp üyrengen» ämirşil-qıspaqşıl jüyeden jasampazdıq pen izgilik örken jayğan elge özgerui kerektigi turalı maqsatın söz etti.

Seysenbi, 11 tamızda Tihanovskaya Litvağa bas sauğalap ketkennen keyin eki ret beyne-ündeu jariyaladı. Birinde ol balalarınıñ qauipsizdigine alañdauı, lajsızdıq sebebinen ketkenin aytqan. Ekinşisinde Ortalıq saylau komissiyasınıñ jetekşisi Lidiya Ermoşinanıñ kabinetinde qısım jasalğandıqtan, qağazğa qarap otırıp jaqtastarın narazılıq akciyasına qatıspauğa şaqırğan.

Ötken jwmada Tihanovskaya tağı bir beyne habarlama jasadı. Ol Belarussiya köşelerindegi zorlıq-zombılıqtı toqtatuğa jäne barlıq qalanıñ äkimderin tamızdıñ 15-16 künderi ötken beybit jiındarda bas wyımdastıruşı boluğa şaqırğan.

Nätijesinde Minsk jäne basqa da 28 qalada «Azattıq üşin!»  (16 tamız ötken eñ iri şerudiñ hronikasın oqıñız – QT) degen ataumen jalpıwlttıq şeru ötken. Belarus' tarihındağı eñ ülken miting Minsk ortalığında 200 mıñnan astam adamnıñ qatısuımen ötti. Dekadağa jalğasıp jatqan bilikke qarsı ereuildiñ negizgi üş talabı – Lukoşenkonıñ otstavkası, sayasi twtqındardıñ bärin bosatu, narazılıq kezinde küş qoldanğan policiyanı ädil sotpen jauapqa tartu.

"The Qazaq Times"